100 liter eplejus og ei intelligent vaskemaskin

Eplejuspressaren vår ringde i førre veke -  han var klar med pressa på laurdag.

Han hin bar eplekasser i bilen og ut av bilen og inn i kjellaren til Steinar -.

Eg bar dei tomme kassene ut att til bilen -

vasking av 1 1/2 liters brusflasker og skylling i atamon,

er meir min jobb!

Det er alltids ei mogelegheit for at frysaren ikkje toler innfrysingspresset -

også i år tinga vi venehjelp til dette... :-D8

Vaskemaskina vår gav opp å vere til teneste på torsdagskvelden,

midt i vasking av eit av dei gule kviltateppa som vart laga omtrent på den tida vaskemaskina var ny.

Han hin ringde til den gode elektriske bui i Aurland for å tinge ei ny på laurdag,

- den var utstillingsmodell og vi kunne hente den med ein gong!

Med hjelp av berekraftig naboskap vart den gamle boren ned frå andre høgdi -

via nokre andre rom naturlegvis - dei fleste eigentleg -

og oppigjen med den nye og endå tyngre maskina same vegen.

 

Gleda av den intelligente vaskemaskina med patentert skånetrommel,

fullelektronisk softtronic-styring og oppdateringsmogelegheit av vaskeprogram via datamaskina...

er kjempestor -

spesielt fordi den har ei heftig sentrifugering og er stillegåande som ein draum :-D8 !!!

Den førre høyrdest ut som om den var på veg ned til etasjen under for å henge opp kleda -

denne varslar med eit sus, - om ein er i nærleiken, at den er klar... 

Både teppa som isolerer for vinteren framfor den litt mindre tette gatedøra og dei to gule kvilteteppa som har hengt over to gelender på kvar si side av loftstrappa

i syrommet på loftet
er nyvaska og tørketromla.

Praktisk bygningsvern

Til deg som er glad i gamle hus og vil ta godt vare på dei!

- er tittelen på seminaret som Fortidsminneforeninga inviterer til laurdag 5.november på Knaken kafé og befaring på Kaupanger hovegård.
Her er lenkja til Fortidsminneforeninga si side!

Dette er huset vårt!

Det er ei glede å bu i eit verneområde med 170 bygningar i eit hus frå 1847 -
med gamle gode vindu som har fått innervindu og difor betre enn mangt anna og
panel som huset har hatt sidan det vart kledd for vel 100 år sidan.
Det er viktig for meg å fortelje at gamle hus er gode hus!

Eg gler meg til seminaret til Fortidsminneforeninga (Fmf) og trur det er mykje å hente
frå dei tre som held foredrag og andre seminardeltakarar.
Varm lunch og omvisning på Kaupanger hovedgård svekkar ikkje akkurat seminaret!

Hallvard Trohaug, Jon E.Tamnes - dagleg leiar i Fmf Sogn og Fjordane og Hans Johnsson

Ove Losnegård

Hallvard Trohaug - arkitekt, kunsthistorikar og hovedstyremedlem i Fmf held foredraget:

Kva kan spora i huset fortelje oss? 

Korleis verte ein husdetektiv? Korleis gjer du huset ditt fornuftig for deg, samstundes som du tek vare på karakteren til huset?

Ove Losnegård - snekkar, båtbyggjar og leiar av Fmf avd Sogn og Fjordane:
Vindu i gamle hus – betre enn nye?

Om val av gamle vindu. Kva kan du gjere sjølv for å ta vare på dei originale vindua i huset ditt?
Gamalt glas gjev huset karakter og dei gamle vindua er av betre kvalitet enn dei som vert laga i dag.
Meir om Ove Losnegård her.

  

Hans Johnsson - bygningsantikvar held foredraget:

Gamle hus treng komposisjons- eller linoljemåling!

Då vert dei best ivaretekne. Linoljemåling er ein av dei beste målingstypene du kan bruke,
den passar på dei fleste overflatene og er lett å påføre.
Få med deg denne grundige gjennomgangen av kva linoljemaling er, hva slags eigenskaper den har og kva du bør tenkje på før du går i gang på eige hus.
Vi skal koke komposisjonsmåling på låven, og omvisningane i tunet på hovedgarden vil vise eksempel på både vellukka måling og vi får høyre om dei problema som kan oppstå.

Det vil også vere ei orientering med gode råd og vink til dei som vil søke om offentlege tilskot til arbeid på eige hus.

Arrangementet kostar kr. 500,- for medlemmer av Fortidsminneforeningen og kr. 700,- for andre.
Dette inkluderer dei tre foredraga, varm lunsj m/kaffi på Knaken kafé og befaring ved
Kaupanger hovedgård.

Dei som teiknar medlemskap i Fortidsminneforeningen i løpet av kursdagen får attende mellomlegget på kr 200,-. Deltakeravgifta skal betalast kontant.

Laurdag 5. november kl 10.00 – 16.00
Påmelding til Fortidsminneforeninga på e-post: sognogfjordane@fortidsminneforeningen.no

Påmeldingsfrist 31. oktober 2011.

Planlegging av våren og gode minne

I dag er det 13 varme plussgrader -

ein god dag for planting av løk.

Freistar vere budd på å ha flaggfarga blomar til 1.mai - eller før!

Tulipanløkane skal bli raude med frynser (utan det guloransje)

Perleblomane blå og narcissane kvit-kvite!

Ei sakte helg -

alle inntrykka frå veka som har vore byrjar å finne plassen sin i erindringsboka.

Ei kvilehelg, veka har vore i ytterkant av det eg greier.

Eg gjentek det gjerne -

det er så viktig for meg å gjere og oppleve slikt

som gjev meg positiv energi!

Oslotur med vitjing av plassen med utsikt til Utøya,

Vigelandsparken, den palestinske flyktningleiren ved Kulturkyrkja Jakob og

besøk på den heilt nye Palestinske ambassaden 

er opplevingar som set spor! 

Ein fredagstur til Voss inkludert eit lengre opphald på Harald Seim a/s er også fint -

det er fint å sove på bussen fram og tilbake også!

Medan hendene kjenner på vakre nye arabiske tekstilar.

 Boksar med jerikodadlar berre står der og fristar - og tankane gjeng vidare til andre typer

vårplanlegging

ein tanke om ny Jeriko-tur,

enkelte av oss ynskjer å fare i mars.

Tone - som har brodert alle kappene mine i spisestove & stove, lærer Zeina å sy hardangersaum.

Åleinekjensla kan vere så mangt

Åleinekjensla på Gardermoen når alle har sjekka inn bagasjen og forsvinn vidare, er inderleg stor.

Åleinekjensla på busshaldeplassen heime på Øyri, er inderleg god når ein stig ut av nattbussen.

Ei intens veke er over -

reknar ikkje med å treffe att alle som har vore på vitjing denne veka -

kanskje endå meir sannsynleg sidan det var så mange unge -!

I går busstur til hovedlandsbyen
vi stogga på fylkesgrensa og kasta snøball
og vi var innom Vigelandsparken på veg til hotellet.

Eller slik Vigeland Museum fortel det:

Livshjulet er eit symbol på evigheita og utforma som ein roterande krans av kvinner, menn og barn som held fast i kvarandre til evig tid.

Slik oppsummerer skulpturen det dramatiske temaet for heile parken:

Ein bilethoggar sine refleksjonar over mennesket si vandring fra vogge til grav,

gjennom glede og sorg, gjennom draum, fantasi, håp og lengt etter evigheita.

Det var interessant å høyre dei vaksne sine reaksjonar og refleksjonar over både nakenheita, storleiken på parken og islamsk syn på å gjengje skaperverket på denne måten -

og vaksne, unge og barn si tolking av enkelte av statuane.

Eit særs interessant kulturmøte.

Rask handel og sightseeing og middag og innom leiren ved Kulturkyrkja Jakob -

ein ny dag med mange inntrykk!

I dag på vitjing hjå ambassadøren på den vekes gamle ambassade - tidlegare representasjonskontor.

Litt meir handel - flytog - og farvel og på gjensyn -

Insha'Allah - ein ny vår i Palestina - nærare bestemt i mars!

Fiskesuppemiddag hjå ein ven

og nattbussen heim.

Kvifor ialledagar set bussjåførar på ein så høg varme på vinterstid på nattbussane?

Godt å gå av bussen heime, - sjølv om ein skal ta ein ny buss to timar etterpå til Voss.

Vel å ikkje nytte tida til ein times søvn -

likegreitt å starte med ein variant av striskjorte og havrelefse -

ein lang varm dusj, - eit stort teglas, klibrød og biola!

Korte dagar - mange gleder

Opphaldet for jerikanske vener går mot slutten -

i kveld er det kulturkveld i kulturhuset -

og i morgon er det avreise.

Torsdag på desse tider vinkar eg farvel på Gardermoen.

I dag fekk eg grovbrødskive med olje frå fetaostglaset og Zatar

og to små kaffikoppar med arabisk kaffi til frukost.

Det er også godt! No er eg så utstyrt med likt og ulikt av krydder

at eg trur mangt og mykje av som vert servert i tida framover

får i det minste eit hint av det palestinske kjøkkenet.

Det var moro å rekke å sørge for

at ei av jentene fekk innføring i hardangersaum ved spisebordet vårt i går.

Mor hennar, systra og ho broderer veldig mykje.

No er ho utstyrt både med broderipakke frå Nilssen på Bryggen,

eit par broderibøker frå Biblioteket mitt

og tre hardangersaumhjarte

som ho fekk av læraren sin - den same som har brodert gardinkappene mine.

Eg ser fram til å sjå hardangersaum når eg fer til Jeriko til våren!

På tide å pakke litt no før alt anna tek laust, -
eg skulle vist skrive noko som skulle inn i eit blad også...

Biletet er frå Vindhellevegen -
teke på laurdag då gjengen gjekk den gamle vegen frå Borgund stavkyrkje og Sverrestigen
til Rimskjold.

Søndag og kviledag - Utstillingsopning Sogn kunstsenter

Det er så greitt med ungar og foreldre som har vore på utstillingsopningar før -

begge partar veit at det finst alternative sysselsettingstiltak!

Mykje etterarbeid etter middagen i går -

store mengder kjøreld til lammefrikasse og ein variant av melokhiasuppe.

Ideen med å nytte finserviset med sølvkant frå seint 50-tal

er mindre lur når ein må vaske dei for hand - men karamellpuddingen med karamellkremsaus -

laga etter oppskrifta til Kirsti på Offerdal hotell, fortener fintallerkane.

I dag opna utstillinga:

Eg er det tilfeldige sin plan

og meitemarken si reise

Kurt Johannessen - herleg humor -

med tidvis altfor lita skrift

for oss som egentleg burde hatt med briller når ein fer på denslags!

På plakaten står det at utstilling er open til 16.desember. Rett dato er 27.november 

 - den heng framleis i første helga av julemessa til Lærdal husflidslag 

som i år held til i foajeen i Sogn Kunstsenter - Gjesmesamlinga.

I den store salen heng det eit tjuetals bilete av Hans Gjesme - dei fleste har vore utstillt mange ganger før som dette sjølvportrettet.

-  i "mellomrommet"er det to skulpturar.

Eg veit ikkje kva namnet på denne er - eg har ei formeining om at Gjesme laga den som 

eit utkast til ei eller anna utsmykking - så eg kjem vel attende med namnet!

I bakgrunnen på det øverste biletet på veg vekk er Hans Jakob Reite
han laga denne artikkelen og radioinnslag frå opninga

Ung delegasjon på vitjing frå vennskapskommunen Jeriko i Palestina

Biletet er scanna frå dagens papirutgåve av Sogn avis.

Her er verdsvevversjonen av artikkelen frå Sogn avis

Denne gongen er det ein delegasjon på 9 personar som er på vitjing i regi av organisasjonen

Vennskap Jeriko-Lærdal.

Av dei 9 er det 6 barn og unge.

Dei to yngste representerer Barnas kommunestyre i Jeriko.

Det er alltid ei glede med vennebesøk frå Jeriko -

dei to førre åra har eg vore på vitjing i Jeriko på denne tida.

Dei har eit stramt program med ulike tema i helga og til barnehagar og skular måndag og tysdag.

Opphaldet i Lærdal vert avslutta

med ein kulturkveld i Kultursalen tysdag 18.oktober.

  

Vinternatt eller vinterdag

Vinternatt ved Rondane - Harald Sohlberg Vinternatt eller vinterdag - 14. oktober, er første dag i det nordlige vinterhalvåret. Dette inneber at det er første dag på vintersida av Primstaven. I kyrkjekalenderen er dagen vigd minnet om pave Calixtus 1. Primstavmerket er oftast ein vott, som enkelte har meint vere ein pavehanske - eller ein stav med ispigg. Biletet er lånt frå bloggen til Ida Elisabeh Ida og Muskatt  - her viser votten! Viktig merkedag for vinterveret; blei i Verdal kalt vinterspåmannen. Over hele landet blei det sagt at slik veret var vinternatta, kom vinterveret til å bli. Vinternatt var ein av dei mest vanlege flyttedagane for tjenestefolk på landet, og frå då av skulle hestane ha dombjøller. Opplysningane om vinternatt (2011-10-13) i Store norske leksikon. Hentet fra http://snl.no/vinternatt Eldre hanske med åttebladrose og blomsterranker. Wikipedia fortel i tillegg dette om dagen: Vinternettene (også kalla haustblot, vinterdag og vinternatt) refererer til blotet, ein hedensk offerfest, som folk i norrøn tid heldt 28 dagar (fire sjudagersveker) etter haustjamndøger. Wikipedia fortel at det vart slutt med flyttedagar på landet fram til første verdskrig - Far fortel at det var stas å møte opp på kaia når fjordabåten kom på flyttedagane i oktober og april, for å kike på jentene! Han var konfirmant i - 46, så den regelen overlevde nok ei stund lenger! Når bilen er isete - er vinteren komen - det er vinternatt! Etterskrift 1: Sit her med ullsokkar på beina - og lurer på kor mange ekstra ullplagg våre palestinske vener som kom seinkvelds i går, har funne fram i morgontimane . Vi laga eit lite beredskapslager i går - det er 29 varme plussgrader i Jeriko i dag! Etterskrift 2: Dei er på spasertur med ordføraren i tettstaden - dei ringde på døra - gjensynsglede - og ein gullchiffonpose med Jerikodadlar frå Jumah - varme - gledestårer!

Sylteglaset og to koppar kaffi

Når tinga i livet verkar nesten uoverkommelege; og 24 timar pr.døgn ikkje er nok, -

husk sylteglaset og kaffien.

Ein dansk professor sto framfor filosofistudentane sine med nokre ting framfor seg.

Då timen starta tok han uten å seie eit ord

fram eit veldig stort og tomt sylteglas og byrja å fylle det med golfballar. 

Då han hadde gjort det, spurte han klassa om glaset var fullt, -

dei var enige om at det var det.

Professoren tok fram ei kasse med småstein,

og byrja å helle småsteinane ned i glaset.

Han rista glaset lett, slik at småsteinane fordelte seg imellom golfballane.

Igjen spurte han studentane om glaset var fullt, og det meinte klassa at det var.

Professoren tok fram ei kasse med sand og byrja å helle sanden i glaset.

Sanden fylte naturligvis dei resterande holroma i glaset.

Igjen spurte han om det var fullt. Klassa svarte einstemmig ja.

Til slutt tok professoren to koppar kaffi og helte dei begge i glaset.

Holrommet mellom sandkorna, vart no effektivt fylt.

Studentane lo.

"Vel - ", sa professoren, då låtten stilna av -

" - dersom de no ser føre dykk at dette glaset representerer livet dykkar.

Golfballane er dei viktige ting i livet -

slikt som familie, kjærestar, barn, helse, vener og yndlingspasjonar -

dei tinga som, sjølv om alle andre ting gikk tapt, og berre desse tinga var tilbake,

ville dei likevel gjere liva dykkar fullkomne.

Småsteinane er dei andre tinga som betyr noko - slikt som jobb, hus, bil osv...

Sanden er alle dei andre småtinga."

Professoren fortsette: "Heller de sanden i glaset først,

er det ikkje plass til verken småsteinane eller golfballane.

Det samme gjeld i livet: 

Nyttar de all energi og tid på dei små ubetydelige tinga,

får de aldri plass til det som er viktig for dykk.

Vis merksemd til dei tinga som er avgjerende for lukka dykkar.

Leik med ungane. Pass på helsa! Inviter partneren på middag.

Opplev kultur eller sport, ta ein runde til på golfbana eller gjer noko bra for samfunnet.

Det vil alltids vere tid til å gjere huset reint og ordne avløp.

Ta dykk av golfballane først - dei tinga som verkelig betyr noko.

Få styr på det de vil prioritere - resten er berre sand."

Ein av studentane retta handa i veret og spurte kva kaffien representerte.

Professoren smilte: "Eg er glad for at du spør.

Det er berre for å vise at uansett kor fullstappa livet ditt opplevest å vere,

så er det alltids plass til eit par koppar kaffi saman med ein ven".

Det er litt vel mange ting eg skulle ha greidd å få gjort slike dagar -

middagskvildene mine har difor ein tendens til å verte litt vel lange

før eg greier å ta meg inn att!

Av ein eller annan grunn var eg inne på Livet i Lønnetunet,

den gamle bloggen til Lyst på livet

eg veit har lenkja til den før

- eg berre måtte skrive den om til nynorsk!

Dørtepper

Desse to gamle teppa vart opprinneleg laga på 90-talet

 for å skjule innhaldet av to hengehyller i tekstil frå Ikea.

Den eine var til oppbevaring for handdukar, - den andre til barneklede.

No heng dei om sommaren på kvar side av den doble gatedøra vår.

Om vinteren heng teppa også framfor døra,

men då heng det som opprinneleg

var to kvilta sengeteppe i ubleika bomull frå Ikea bakom desse husteppa.

Ikeateppa er litt lengre enn høgda og betydeleg breiare enn rommet

slik at dei kan brettast mot golvet og gå godt over kvarandre på breidda!

Gatedøra i huset frå 1847, er på ingen måte tett -

dette er ein grei måte å halde varmen innomhus om vinteren -
då nyttar både vi og gjester kjøkkendøra!

Kvifor i alle dagar fortelje om dette?

Eg har lyst på eit av to årsabonnement av Gamle hus, hager og interiør

som Livs lyst har på bloggen sin.

Ikkje heng dei vakkert, - og biletet er langtfrå godt -

men det var dette eg tok meg tid til for å få eit lodd i trekninga!

Har lagt om til vinter!

- har strømper på beina frå og med i dag!

Syr saman dei siste blokkene på det grøn/svarte teppet som har vore i arbeid ei stund.

Den 10.10.2010 feira vi 10.000 årsjubileet til Jeriko i Palestina -

denne reportasjen sende Arve Uglum heimatt til Nrk om feiringa i Lærdal Park, dagen etter!

På torsdag kjem det vitjing frå Jeriko - det inkluderer litt informasjonsarbeid!

Eg saknar varmen!

Tinekyrakoppar og flotte damer og litt rosa!

Har hatt vitjing av tante og onkel -

og fått to nye kyrakoppar!
Dei fekk lunka nybakte eplemuffins - baka med glutenfritt mjøl og Raud Aroma-eplebitar,
sidan eplehausten er så elendig i år at dei ikkje kunne få med meir eple austover!

Det er ekstra gildt å ha tanter tilsett i Tine når dei har tinga så fine koppar frå Porsgrunn Porselen!

I dag var det tida for at Jagland skulle fortelje kven som har vunne Nobels fredspris 2011!
"Den Norske Nobelkomite har bestemt at Nobels fredspris for 2011 skal deles i tre like store deler mellom:

Ellen Johnson Sirleaf,
Leymah Gbowee og
Tawakkul Karman

for deres ikke-voldelige kamp for kvinners sikkerhet og deres rett til full deltakelse i fredsbyggende arbeid."

Nobels fredspris gjeven for arbeidet knytt til arabisk vår, Tawakkul Karman fra Jemen.
Nobels fredspris gjeven for arbeidet knytt til liberisk nasjonabygging, president Ellen Johnson Sirleaf
Nobels fredspris gjeven for arbiedet knytt til liberisk grasrotbevegelse, Leymah Roberta Gbowee

Den Norske Nobelkomiteen si heimeside

Her er ein av Dagbladet sine artiklar.

og her er omtale i BBC News

og omtalen i BT


- og så måtte eg legge ut denne videoen!
Den er god i starten og vert berre betre!

Etterkontrollert

Var til lækjaren med vakrast stemme i går.

Han spurde, høyrde og forklarte, slik han er så flink til!

Han gjer pasientane - ( les: meg ) - trygge.

Ikkje teikn til spredning,

- og ei god rettleiing i korleis eg skal undersøke meg sjølv fram til kontrollen om tre månader.

Han seier: oppdagar du noko så ring meg, - er eg ikkje tilgjengeleg, så ringer eg oppatt!

Var naturlegvis på handel

- ovanfor er den vesle fløyte-/mjøkemuggen CALF&HALF 

frå Ting på Bryggen.

Var innom på Quiltehuset i Marken og Norli på Galleriet

- begge plassar fekk eg umåteleg god service! 

- naturlegvis var eg innom på Rezepten for å hente protesen og bh'en frå Tyskland

No har også eg "høi byste"!

Middag med godt selskap på Jacob Aall.

Før vi for heim sat eg ei lita stund og kvilte på ein benk på Bystasjonen

- åt dadlar frå Palestina eg hadde handla på Meny - Bergen Storsenter

og innsåg at eg var lukkeleg.

Eit ansleis år, men eit godt år!

30.09.2010 fekk eg telefon frå sjukehuset om at det var kreftceller i venstrepuppen min.

30.09.2011 har eg "Rosa-sløyfe"stand på Øyri

Ei av 12 kvinner får brystkreft i løpet av livet -

takka vere forsking overlever stendig fleire av oss

- lenkja over fortel også at du kan sende ein sms med

 ROSA til 2277

- då vert telefonen din belasta med 50 kroner

eller bidra med det du ynskjer til

kontonr 7001 09 88592

Elles vil eg oppfordre alle om å nytte lenkja til
Foreninga for brystkreftoperte

og her er lenkja som fortel om korleis du gjer sjølvundersøkinga.

Det øverste biletet er frå Rosa sløyfe aksjonen i Canada.

Sløyfa under er eit av produkta du kan kjøpe i årets aksjon

Tankar i lys av det eg skreiv for eit år sidan

Eg har sydd i Eldhuset i dag, - og det hadde eg i følge bloggen
tenkt å gjere 28.september 2010 også,
  - eg les at eg hadde tenkt å ta opp tråden etter kvelden før

Det var 9 dagar til reisa skulle starte for oss som skulle delta på 10.000 års jubileumsfesten i Jeriko.

No er det 15 dagar til ei gruppe jerikanarar kjem på vitjing her.

Eg hadde lenkja til Sissel Wold sin artikkel om Lyden av Jerusalem -

denne gongen høyrer ein kva utanriksministeren i USA meiner om byggeplanane 

av 1100 bustadar i Aust- Jerusalem.

Dessutan gleda som kom fram då president Mahmoud Abbas hadde levert søknaden

om medlemskap i FN i New York.

Likar meldingane frå talarstolen at Noreg stiller seg bak palestinarane.
Og vert lei meg når eg les det Kjetil Nilsen fortel i bloggen Checkpoint Vestbredden
om "Skriket" - det nye våpenet.

Eg syntest det stod dårleg til med reingjering i heimen i 2010, - eg var sliten!

I dag har eg vaska vindauge og stryk både hardangersaumkappene og dei kvite lingardinene til stova.

Gjorde det same på spisestova i går, - gjorde ikkje så mykje meir.

Vert sliten no også, - men på ein annan måte.

Ein Haustmarknad som den i år - førte til 2 dagar med ekstra mykje kvile og sømn,
- og det er verdt det!
Slik rapporterer Porten frå marknaden.

På fredag er det 1 år sidan eg fekk telefonen på jobb frå sjukehuset i Førde om at denne gongen hadde dei greidd å treffe den 4 cm kulen i brystet og at det var kreftceller i den.

På tysdag skal eg på første kontroll på Haukeland -

det følest trygt å reise dit.

Eg har sjølv valgt å få oppfølging der -

er glad for at det er mogeleg å velge vekk det sjukehuset ein høyrer til.

Etter at kreftlegen og kreftsjukepleiaren på Helse Førde valde å ikkje informere meg -

fordi dei meinte at eg ikkje hadde godt av å få vite kva

dei trudde dei hadde funne i skallen i mars 2011, -

mista eg tilliten til dei heilt og fullt.

Då er det fint å reise til Haukeland, - der eg i motsetning har møtt legar og anna helsepersonell

som er istand til å fortelje kva dei ikkje veit eller kva dei ikkje forstår

og korleis dei går fram for å finne ut meir.

- slik blogga eg på denne dagen i fjor

Det er trist lenkja til videoen ikkje verkar - men det skapar gode arabiske og palestinske matminne.
Hm - :-D  - videolenkja verkar tydlegvis stundom!


Etterskrift - eg hadde heilt gløymt at eg har to nye mjelkemuggekyr etter marknadshelga-
den eine fekk eg hjå Ingrid i EllenAntikk;-
ei blå som ser ut som ein nyare og betydeleg enklare kopi av denne blå nederlandske bjøllekyra,
medan den eg fann i ei brukthandlerbu bortom Eldhuset liknar
på desse kvite mjelkemuggekyrne.

Vakkert pyntebrød frå Gamlebakeriet

I dag har eg lært litt meir om fyring av steinomn, baking og steiking av pizza, pyntebrød og vanlig brød!

Det har vore ein kjempefin dag i Gamlebakeriet!

Else "Sprossa" Rønnevig var lærar og Prosjekt bærekraftig reiseliv var arrangør.

- eg har svært mange bilete - som eg må sortere og legge ut seinare.

Dei som ikkje ser at pyntebrødet har ein vinranke med vinblad

må vere svært fantasilause, - eg synest det ser heilt fantastisk ut!

Pizzaen vart steikt i omnen 4-5 minutt - sprø tynn botn og spanande blandingar oppå.

Dette skal eg gjere igjen!

Her har pizzaen vore i omnen 1-1/2 min!

Her er brøda dei 25 brøda ferdig steikte.

 

Eg legg ut fleire bilete på flickr.com "kuregister" etter helga! 

Resirkkyr og helgeførebuing

Kyra vart kjøpt inn til ein anna heim som toalettkosthaldar -

den vart aldri teken i bruk, gjerne grunna at duppeditten som skulle halde kosten, vart knekt.

Den førre eigaren var innom i sommar og såg kjøkkenglaset mitt

som den fornuftige dama ho er, såg ho at ho kanskje hadde ein ny heim til kyra.

Resirkkyra har passa på basilikumkrukka på kjøkkenbenken -

sånne små krukker lever ikkje så lenge,

resirkkyra sin posisjon er difor oppjustert endå meir

- til spisebordet -

Det lir mot Haustmarknad -

eg har ikkje vore aktiv med i arrangementet siste året,

så eg skulle berre... 

I tillegg fekk eg spørsmål om å ta del i Rosa-sløyfeaksjonen -

dvs. ein liten pre-start, sidan det er marknad.

Difor vert det litt informasjonsmateriell frå Brystkreftforeninga & innsamlingsbøsse på Eldhuset.

Resten ventar eg med til oktober.

På Eldhuset serverer Lærdal husflidslag nysteikte vafler og kaffi/te og sel husflidsvarer.

I same lokale er også Jerikobui som er driven på dugnad av medlemer i Vennskap Jeriko-Lærdal.

Jerikobui deltek på dei to marknadane og er sommarope i Eldhuset på laurdagane juli&august,

då sel dei også varer for husflidslaget.

I morgon skal eg bake i Gamlebakeriet -

då vert eg nok såpass sliten, at eg bør ta helgevasken i dag!

Haustmarknad inneber tilreisande gjester!

Lokkekyr og søndagsskule

Eg vart varsla om at denne smørkyra stod og viste seg fram i eine butikkvindauget til

Lærdalsøyri brukt & antikk.

På veg med utstyr og tepper til Eldhuset i dagtidleg - gjorde eg meg eit ærend i Øyragata

og gjekk heimatt med eit stort smil.

Denne måtte eg ha!

Størrelsen?

Bak lokkekyra/smørkyra

 ligg det ein heilt vanleg Ramona kniv frå Hardanger bestikk...

Den kan tildømes brukast til ein mørk sjokolade- eller konfektbit...,

det er sjeldan behov for porsjonssmør her i heimen!

Eg har vore søndagsskulelærar i dag -

i Eldhuset til Lærdal husflidslag.

Tidlegare har husflidslaget hatt nokre kurshelgar, men i det siste helst eindagerskurs.

Eg har vel skrive tidlegare om då eg fortalde at eg hadde

testa ein ny metode til å sy "flygande gjess"

- i relativt få operasjonar og utan svinn -

så enda eg opp med å foreslå at eg kunne ha søndagsskule på teknikken.

Sjølv om det er ganske god plass i lagshuset til Lærdal husflidslag

er ein del av plassen oppteken med varer til Haustmarknaden neste helg.

Når 4-5-6 damer skal byrje med å skjere stoff samstundes,

vert det gjerne litt trangt på dei borda som er gode til denslags.

Nokre kursdeltakarar har sydd lenge, medan andre er ferske i faget.

Eg har lenge hatt ynskje å laga teppe til Tepper som gleder-aksjonen til Bergen Quiltelag.

Dette var rette høve til å få hjelp til å sy teppet!

Eg kutta opp bitane til alle blokkene,

sorterte dei slik at stoffbitane til ei blokk var samla kvar for seg,

- og teikna skjere/klippelinja og nåla fast til første syoperasjon på desse.

Eg sydde eksempel på saum- klippe- og strykeoperasjonane og

la dei i rett rekkefølge, slik at alle kunne sjekke neste steg på benken der dei låg.

Rekna med at det var enklare å lære teknikken på den måten -

då visste ein kva bitar som måtte til når ein skulle skjere det sjølv

og det kunne vere tid til å forklare for kvar enkelt etter kvart som behovet melde seg.

Eg hadde eit panelstoff  -

Sy- og strikkebui i Sogndal har det enno og skulle nytte rosa stoff eg hadde etter roseteppet til Trønderinna.

- berre så det er nemnt Trønderinna er på Epla med Sløyfe & co -

nydelege bittesmå sløyfeøyredobbar!

Eg hadde altså ikkje rett storleik på mange nok rosa stoff med rett farge,

så eg enda opp med å handle 4 nye rosa og eit beige stoff.

Eg byrjar snart å få ei heil trådkorg med rosa stoff - bekymringsverdig!

Iallefall - alle skulle sy ei blokk før dei byrja med ein gryteklut eller løpar eller duk...

Dei fleste sydde fleire blokker og dei som ikkje hadde høve til å delta i dag,

får sydd kvar si blokk seinare i veka...

Etter at eg har sydd ferdig dei blokkene som viser arbeidsoperasjonane

- er teppet på det næraste ferdig -

Om nokon ynskjer det - kan eg bruke kviltearbeidet på teppet til å forklare korleis kvilte slike teppe i tildømes tre delar, før ein saumar det heilt saman...

Sissel K., leiaren i laget, hadde laga gryterett med salat og ris til oss -

vi hadde også kake til kaffien!

Med andre ord, det var eit velsigna greitt søndagsskulemøte!

   

Med lyseblå beautybag for puppen!

Kan ikkje anna enn dele eit bilete av denne,

naturlegvis treng ei brystprotese ein oppbevaringsplass...

Slik kan ein beautybag for denslags altså sjå ut og slik vert den levert frå fabrikken -
eg var på bytur i går på prøving og handel på Rezepten.
Med 2 proteser i året - kan det ende opp i eit utal av beautybag'er!

Det tek litt tid før eg går rundt med brystprotesen - tidlegare kalla "kyllingfileten"

- no korrigert til "kalkunfileten" - ei meir presis beskriving av storleiken.

Testa den litt i går - har tydelegvis framleis litt tynn hud - så eg ventar til resten av utstyret kjem frå Tyskland, før eg brukar den over lengre tid...

Ei heilt hyggeleg og grei oppleving!

Ein vert registrert hjå første bandagisten der ein leverer protesetilvisinga -

seinare kan ein gå til kvensomhelst -

som dama sa, det er ein tilstand som ikkje går over - ein treng ikkje tilvising kvar gong!   

Naturlegvis!     

 Hadde gode kvilestunder både på China Palace, Cafe Opera og Cafe Aura -

ein fin måte å treffe fleire til ulike tider gjennom dagen!

I så måte mest stolt over at eg ikkje let meg friste av kaker verken på Opera eller Aura -

Libra gjev meg styrke til å stå imot freistingane - dette må gå bra!

På Quiltekroken stod eg derimot ikkje imot freistingane

og på Nordli fann eg ei artig bok med dei 100 første orda ein bør lære på arabisk.

Den kjem kanskje til nytte no når alle barnehagane og skulane skal førebu seg på besøk

av unge frå vennskapskommuna.

 Ein nydeleg haustdag ventar der ute -
denne artikkelen er å finne på verdsvevsida til avisa frå dei heimlege strendene
Sunnmøringen

- eg skal sykle vel 9 kilometer innomhus, før eg er klar til å gå ut i den store vide verda! 

Bakaromnkurs i GamleBakeriet 22.september med Else "Sprossa" Rønnevig - og litt til!

Det er på tide å lære å bake - eg har meldt meg på kurs - neste torsdag!

Else "Sprossa" Rønnevig er lærar.

Fyre bakaromnen, steike pizza, bake brød og steike på ettervarmen...

Det er Lærdal Bærekraftpilot som er arrangør.

Gamlebakeriet, eigd av Fortidsminneforeninga i Verneområdet på Lærdalsøyri
har ein omn som verkar - etter at pipe og omn vart sett i stand for nokre år sidan -
med hjelp frå så vidt eg minnest,- ulike fond og organisasjonar.

Teppa eg har laga sidan 1994 eller deromkrig -
er i utgangspunktet meint for vaskemaskin (og tørketrommel ).

Eg trur dette er det tredje større teppet eg laga - i såfall  for 16-17 år sidan  

i motsetning til eit av dei eg laga for 14-15 år sidan som vart "brukt opp" -
 så har teppet vore brukt fram til det siste.

Den ytterste kanten har vore utsliten ei stund - no har eg sett på ein ny og dobbel kant -
smal som ein lukkekant på baksida -
og 5 cm som dekkar det utslitne området på framsida...
Nokre av stoffa er like fine - andre har skifta mykje farge - nokre av dei hadde litt gulltrykk og
ein del har altså ikkje vore "sterke nok" til den bruken teppet har hatt.

No kan det nyttast ei stund til som koseteppe på Salen...

Her er teppet med dei japanske stoffa ferdig til vask -

har nytta tråklelim - likar at den er vekke før teppet vert teke i bruk...

Er litt nøgd med baksida - hadde ikkje høveleg baksidestoff - hadde eit halvt beige/kvitt som eg syntest eg kunne nytte - litt ubleika lerret har ein alltids - men ikkje nok til halve teppet - 

 hadde nokre omtrentleg 20 cm restestriper av dei japanske stoffa - nytta nokre til baksida i skråskoren form og resten som dobbel lukkekant saman med to WOF-striper av japanskliknande stoff...

Mest nøgd er eg at begge teppa er ferdige og klar for vaskemaskina og tørketrommelen! 

Etterskrift - eit nyvaska og nytørka teppe heng på trappegelenderet i andre høgdi - og kjølnar seg før det vert rulla saman og plassert i den eine sofaen på stova -

det kan sjå ut som om den ikkje kom lenger.

Mange slags val - godt val!

Eg nyttar borgarretten min og stemmer på det partiet eg brukar å stemme.

I år har eg tilogmed sagt ja til å stå på lista, det har eg tidlegare sagt nei til - men i år står eg på trygg plass!

Trygg plass i denne samanhengen er midt på lista i følge dei som plar stå på liste -
ikkje i nederste del av lista,

då vert ein synleg og får eventuelt ekstrastemmer for det
og iallefall ikkje i øverste del om det hadde vore aktuelt, - der ein heller ikkje er usynleg.

I tillegg har eg valt å starta på eit nettkurs med Libra 

- det overordna målet er å kunne bruke bunaden min -

då må eg halde på lenge - der er nokre delmål eg tek sikte på i mellomtida!

I dag er eg ferdig med teppet med hovedsakleg japanske stoff.

Eg kunne valt å halde fram med stjerneteppet til han hin, - sidan det er raudt og har rett farge for dagen!

Eg kjem nok til å halde fram med det grøne&svarte teppet,

det er meint å vere eit sengeteppe i Sunnfjord.
No når eg har funne den greie måten med å kvilte tepper i tre delar, - slik at det ikkje er for tungt for meg.

Vi var i Provincen i helga - han hin plukka eple, pærer og plommer,

det var raskt gjort å plukke det som var modent.

Det er lite eple i år - med ein vinter som har krevd oss på andre felt,
 har vi heller ikkje klipt årsskot og gjort grunnarbeidet.

Det var ein kald vår, mykje regn og lite sol verkar også inn på frukthausten.

Det var eit naturleg val å ta og sidan ein del av frukta ikkje er feilfri,
vert det ein god del eplejuice i år - seier han hin.

Eg valde vekk å hjelpe til med den vesle frukthausten og sydde prøveeksempel for dei ulike "arbeidsoppgåvene" for den komande søndagsskulen,

Eg har funne nokre typiske barnestoff som kan nyttast til første prøveeksemplar,

då kan eg velje å gjere dei ferdige til Teppe til glede.

Eg veit ikkje om nokon har meldt seg -
prøveeksempla kan nyttast på ein vanleg lappesaumarmåndag også!

  

Eg valde å starte dagen med å sykle 9,2 km på ein halvtime i dag. Eg var godt i gang med denslags på Pusterommet på Haukeland, - dei store strålesåra gjorde til at det stogga heilt opp.
No er eg igang igjen!

Ynskjer alle ein god valdag!