mandag 12. september 2011

Mange slags val - godt val!

Eg nyttar borgarretten min og stemmer på det partiet eg brukar å stemme.
I år har eg tilogmed sagt ja til å stå på lista, det har eg tidlegare sagt nei til - men i år står eg på trygg plass!
Trygg plass i denne samanhengen er midt på lista i følge dei som plar stå på liste -
ikkje i nederste del av lista,
då vert ein synleg og får eventuelt ekstrastemmer for det
og iallefall ikkje i øverste del om det hadde vore aktuelt, - der ein heller ikkje er usynleg.

I tillegg har eg valt å starta på eit nettkurs med Libra 
- det overordna målet er å kunne bruke bunaden min -
då må eg halde på lenge - der er nokre delmål eg tek sikte på i mellomtida!

I dag er eg ferdig med teppet med hovedsakleg japanske stoff.
Eg kunne valt å halde fram med stjerneteppet til han hin, - sidan det er raudt og har rett farge for dagen!
Eg kjem nok til å halde fram med det grøne&svarte teppet,
det er meint å vere eit sengeteppe i Sunnfjord.
No når eg har funne den greie måten med å kvilte tepper i tre delar, - slik at det ikkje er for tungt for meg.

Vi var i Provincen i helga - han hin plukka eple, pærer og plommer,
det var raskt gjort å plukke det som var modent.
Det er lite eple i år - med ein vinter som har krevd oss på andre felt,
 har vi heller ikkje klipt årsskot og gjort grunnarbeidet.
Det var ein kald vår, mykje regn og lite sol verkar også inn på frukthausten.
Det var eit naturleg val å ta og sidan ein del av frukta ikkje er feilfri,
vert det ein god del eplejuice i år - seier han hin.

Eg valde vekk å hjelpe til med den vesle frukthausten og sydde prøveeksempel for dei ulike "arbeidsoppgåvene" for den komande søndagsskulen,
Eg har funne nokre typiske barnestoff som kan nyttast til første prøveeksemplar,
då kan eg velje å gjere dei ferdige til Teppe til glede.
Eg veit ikkje om nokon har meldt seg -
prøveeksempla kan nyttast på ein vanleg lappesaumarmåndag også!
  
Eg valde å starte dagen med å sykle 9,2 km på ein halvtime i dag. Eg var godt i gang med denslags på Pusterommet på Haukeland, - dei store strålesåra gjorde til at det stogga heilt opp.
No er eg igang igjen!

Ynskjer alle ein god valdag!   

2 kommentarer:

  1. oii, så flink du er , gratulerer med plass på partilista, så flott at du stiller opp, ser du syr spennende ting, og så sprek med syklinga) Vi går en lovende og vakker høst i møte, tror jeg.) klem fra kjersti

    SvarSlett
  2. Flink jente!! Flott at du stiller på rette lista. Her mangla ho i år, så for fyrste gong måtte eg tenke meg godt om.
    Trim gjer godt for kropp og sjel. Tek det som eit teikn på at alle sår er vekke. Supert!

    SvarSlett