Villakyr - Maison de Campagne...

Er ikkje heilt sikker på kor kyrne "vaches",
kjem inn her -
Google translate overset "Maison de Campagne" med "villa" og i enkelte samanhengar blandar "herregård" seg inn i oversetjinga...

Det er vanskeleg å kalle heimen frå 1847 her i sentrale strok av tettstaden Øyri ein villa, - så eg tek det som eit signal frå givaren - Edith, odelsjenta som bur i ein god heim i Sunnfjord!

Etterskrift - som kommentarfeltet tilseier, har Solveig sjekka i ordboka si. Der er Maison de campagne oversett med landsted.
Då er dette nok ein kyrakrok som høyrer heime der havet og himmelen er større, - Feios!

Ein god dag som iallefall opnar med solstrålar inn på baksida av huset. Når solstrålane rekk heilt inn vindauga på biblioteket, er somaren er komen!
Enkelte sommarsdagar lyt ein ha litt meir klede på seg!
Eg har litt organisasjonsarbeid som bør vere gjort før eg set i gang med å rydde meir på syrommet. Eg slit med å halde fram ryddearbeidet, - finn så mange små og store skattar som ein har meir eller mindre gløymt og får altfor lyst til å sette igang og gjere heilt andre ting enn å rydde, - men det har vore ryddig i sytrådspolehyllene og knappane lenge!

Ei veke til strålestart!

Ein knagg til å henge viktige ting på!

Handla ein kvanstaden der det er naturleg for syskenbarn Edith å handle!

Freistar å bu meg på starten på stråling og å vere vekke heimanfrå sånn på det jamne, i såpass mange veker -.
På tide å ta fram strikking av åttebladroser, ein treng eit kvart å gjere når ein har lange kvardagar utan å skulde på at mangt skulle ha vore gjort i heimen... LOL!

Sjølve strålinga tek berre 30 sekund, ei av dei tilsette sa det slik, det som tek lengst tid var å kle av seg og vente på tur og anna klargjering av strålinga som å ligge på benken på same måte som under førebuingane...

- tilogmed treningsklede er naturleg å ha med om ein nyttar dei ulike tilboda på Pusterommet i Sentralblokka.
Det er ikkje til å kome vekk i frå at eit slikt tilbod er betre enn eit råd i forbifarten om at ein gjerne godt kan vere aktiv i perioden ein får cellegift... Ein kan ikkje berre fare på Nattjazzkonsertar og Festspelaktivitetar, fordi ein er i by'n på rette tida av året!

Gratulerer med dagen - ynskjer alle ein vakker 17.!

Flagga plassert på begge sider av gatedøra presis klokka 08.00!

Dundrande salutt med 4 skot!

Lett regn!

Snart brønsj på Sanden!

Resten av dagen vert feira i Øvre!

17 dagar gamalt bilete!

Prikkakyr

Nesten heilt sikker på at denne er handla på Ting i Bergen.

Dagen for å pynte ute til 17.mai - eg bør gå på Blomsterbui og kjøpe noko raudt - orka liksom ikkje å gjere det på laurdag.

Vart lei meg fordi einkvan fann det høveleg å drive hærverk på gatesida av huset fredagsnatta.
Nokre meiner at slikt må ein tole når ein bur sentralt...
Rein faenskap vert noko anna enn generell tankeløyse når ein har "utestemme" på veg heim om natta...
Etterskrift - Det var mykje vakre blomar på Blomsterbui! Akkurat no før peonar, roser og ein del stauder blømer, er eg mest oppteken av at blomane eg handlar skal ha fargar. I bakhagen blømer alle rhododendronane - og det ser skamlaust nok ut i blomsterbeddet til at vi kan sitje på benkane på gatetrappa og sjå 17.maitoget gå forbi - har hatt ein 3 timars middagskvild etterpå - er ikkje alltid like flink til å ikkje bruke venstrehanda...

Både Sogndal og Brann vann kampane sine!
AKH observert på tribuna på TV'n min, reknar med DU synest turen til Telenor Arena var vel verdt det!

Trønderinneveske - Grammpri - Nakba!

På bloggen Lises myke pakker fann eg for lenge sidan ei veske - testmodellen vart ny veske til Trønderinna.

Den matchar naturlegvis teppet og spelebrettet ho fekk i januar - det vert gjerne litt resteblokker etter slike litt større prosjekt!
Dei rosa stripesetta i UFOlageret vart valgt fordi dei 8 blokkene eg no har igjen, likevel vart for lite!
Den  andre sida av veska har ei innfelt glidelåslomme, men har derimot foto av eine innsida!

Vi hadde vårt tradisjonelle Grammpri-evenement i går.
Vi har hatt størst skjerm/lerret og gjort det til årsak for ei årleg samling i god tid i førekant for eit lengre tacomåltid!

Berre ein er ihuga GPentusiast, nokre er alminneleg interessert og ein del av oss har ikkje høyrt/sett nokon av semifinalane - men det gjer absolutt ingenting! Eg kvilte på senga i naborommet med open dør inn til Salen dei seks siste melodiane og innrømmer det gjerne - dei høyrdest heilt like ut! Til kaffien etterpå hadde vi ei nydeleg medbragt kake - bør nok spørje fint om oppskrifta til den glutenfrie kaka!

I tankane mine i dag, er palestinske vener som markerer Nakba - det er 63 år sidan dei vart drivne frå heimane og eigedomane sine.

Av dei mange bloggane eg fyl er fleire av dei som i vår har vore deltakarar i Kirkenes Verdensråd sitt ledsagarprogram i Palestina og Israel - dette er Live Håberg sine tankar om Israel sin uavhengigheitsdag som i år vart feira 10.mai - i høve til at det som for palestinarar er al nakba - som markerer at 600 - 800 000 palestinarar vart sendt på flukt.

Biletet er eit bilete eg har lånt frå Adressa - menn frå Hebron -  vart nytta som illustrasjon på 60års markeringa for al nakba. 

Lyklane er det handfaste dei har igjen av husa dei vart fordrivne frå.

Vi har hatt besøk i natt

Ser du det manglande bordet, duken og blomsterkrukka

- må du gjerne fortelje oss det.

- Hyggelege folk i nabolaget var innom no kvart på 1 og melde frå kor bordet står, ho hadde planta blomane oppatt i krukka!

Eg får sende han hin dit etter jobb, det vert for tungt å bere for meg som ikkje skal løfte noko med venstrehanda.



Sparetiltak!

Sparekyra kom til heimen i går frå gjenbruksbui til NMS i Sogndalsfjøra.

Interessant nok, har ho striper som ein sebra...

Synest gjenbruk er greitt, det er bra at kyrne kjem til ein heim dei får vere synlege,
- enten dei er av dei vakraste eller litt meir kvardagslege!

Denne kyra viser kva som er svakheita på mange kyr - horna!
Knuste horn er rimeleg normalt, - ho er på ingen måte åleine om det!
Eg bør kanskje lage eit eige "set" med det som tittel i kuregisteret på Flickr - dette er iallefall den tredje i kategorien sparekyr!

I morgon reiser vi til by'n for første gangs planlegging av strålebehandlinga - ein dagstur!

Ser fram til å møte Bystudenten og Trønderinna til middag - har laga ei veske som eg er spent på om Trønderinna har lyst på.
Eg kjenner at eg har lyst til å gjere så mykje meir enn det som vert gjort, kviler meir - og no når eg har ete litt tablettar for å døyve smerter så forsvinn det litt der også...

Freistar bruke litt energi på å vere klar for at strålebahndlinga går greitt.
Det har gått 2 veker sidan operasjonen, det byrjar å nærme seg tida for at stripsa byrjar å ramle av og sårflatene er så absolutt såre - jaja det er ein overgang med dette også.
Eg sparar framleis på gode augneblikk og kjensle av sommar!

Det bles friske vindar i Lærdal  - artikkel i Dagbladet og Sogn avis og Nrk og naturlegvis, Porten!

Pyntebehov!

Ein ny runde der blogginnlegg har nye bilete frå det meir oppdaterte Kuregisteret!


På tide å vise fram kyrasmykket som Gyda, syskjenbarn i Østfold  har laga -
treng litt pynt slike dagar!

Jenter frå Ås treng ikkje å gå på landbrukshøgskulen eller UMB veit korleis vakre kyr skal sjå ut!


På dette biletet var eg mest oppteken av å få hovudet fram, eg ser eg bør ta eit nytt bilete der perlene kjem betre fram!

No fortel ein brukthandlar i Øyragata at han har redda ei kyr frå misjonens hender i Sogndalsfjøra - her i heimen gler vi oss over gjenbruk!

Raudestova eller Badne-Mariastova før restaureringa starta her med eit bilete frå august 2008 eller litt avkledd i blogginnlegg "på rehab" i august 2010 og eit blogginnlegg då Raudestova sveva frå slutten av august. Eg må også lenkje til biletet frå 17.mai 2008, - før alle tre og gras på taket vart fjerna.

Raudestova har hatt ei vinterpause i restaureringsprosessen. No gror graset igjen på taket, spilegjerdet og porten er ferdig - litt måling og arbeid innomhus manglar. Dei to siste bileta er det tette nabolaget på hi sida av gata.

Opphengt i kyr!

Har fleire kuknaggar, - berre ein er førebels fotografert.

Eg har ei formeining om at denne frå Bengt & Lotta er handla i bui hjå Bente i Storgata 7 på Stranda, sjølv om den gjerne kunne vore handla på Ting i Førde/Bergen eller Husfliden eller tilsvarande i by'n!
(ooops - sjekk side 15 av 23
på Tingbutikken si brosjyre på verdsveven. Den kua skal få bu med meg på Haukeland Hotel frå siste veka i mai og heile juni!)
Sola skin litt gjennom eit tynt skylag i dag  - det er rikeleg med bjørkepollen i bygda - men rette belet å sitje ute på gatetrappa med eit kaffiglas.

Kukule - kyrakule!

Relativt mange har strikka julekuler etter oppskrifta frå boka til Arne og Carlos,  som før jul vart
breitt beskrive i dei fleste handarbeidsliknade media, men også i Dagbladet og Nrk - i den siste lenkja er oppskrifta inkludert.

Denne heilårs kukula, - synest ordet var vakrare enn kyrakula - er strikka av Odny, Mor til han hin, - og den vakre kyradesignen er arbeidd fram med hjelp av Toril Anita, systra til han hin!

Eg fekk den til jul - og i motsetnad til dei hine kulene er denne heilårs og held til i kjøkkenglaset.

Det er lenge sidan eg har teke bilete til Kuregisteret mitt - i dag var det ein god dag for å ta igjen litt av det forsømte!

Det er eit år sidan kjøkkenglaset vart fotografert, - eg får tørke litt støv i dag og ta nytt bilete!

Grønnkål - ny næring

Synest minimalisme som innreiingsfilosofi bør få større utbreiing!
Eg slit hardt for å få meir minimalisme inn i heimen som diverre har eit visst maksimalistisk snev...
Denne grønnkålskåla handla eg førre laurdag.
Medan den ventar på å få ein meir verdig plassering, er den testa som knappenålboksskjular - og det funkar!
Var på eit møte om næringsutvikling på rådhuset i går. Det skal arbeidast fram ein definisjon på kva omstillingsgrad som høver for kommunen. Konsulentfirmaet som sikkert er godt betalt for det dei gjer, fortalde at dei kommunane som lukkast best med slikt, er dei som baserer seg på det næringslivet dei har og er best i frå før og utviklar det vidare.

Lærdal er gode på tidlegproduksjon av grønsaker og bær, - nest tørraste kommune i landet og dei flate fine bøane ved fjellfoten langs elvi, kan vatnast kunstig...

3 av bedriftene i Verneområdet i Øyragata som vert drivne i tillegg til anna arbeid er Lite nytt, Ellen Antikk og  Brukthandelen, der grønnkålskåla er kjøpt. Som ein del av entreprenørskap i skulen driv 10.klassingane brukthandel i eit butikklokale på Øyraplassen
Lærdal har vore eit samferdsleknutepunkt lenge før Lærdalstunnelen og E16; og før kongeveg og postveg og landets første telegraflinje mellom Oslo og Bergen har mangt nyhende gått gjennom dalen. Laksefisket i elvi har lokka turistar lenge før dei byrja å kome i store mengder i buss.
Grønnkålskåla har altså mykje god næringsutvikling i seg - landbruk, gjenbruk, entreprenørskap, samferdsle, ikt og turisme.

Tillukke med dagen godtfolk!

Flagga vart plassert på kvar side av gatedøra presis klokka 8!

No er sola komen der også, så eg er klar for å drikke kaffi på benken på gatetrappa.
Vi tek del i feiringa.
I går var det Vårfest på Øyri med gratis frukost utanfor COOP og KIWI, vising av klede frå E-bo, TittenTei og Sportsbui. Det var rebusløp og gode tilbod i buene i Øyragata. Eg kjøpte den nydelege stygge kålskåla på Brukthandelen som eg har hatt ynskje om å gje ein god heim! - og litt stoff i frå Sy- og Strikkebui i Eldhuset, der det var strikkekafé. Det var smått med raude blomar som også toler litt kaldare netter på Blomsterbui, så det fekk halde med kvite margeritter og blå fiolar. Kafebord og stolar er sett ut i gågata - med duk og blomsterkrukker! Peonane, liljene og rosene er på veg til å ynskje sommaren velkomen, men ikkje klare endå! .Biletet er frå 1.mai 2008 og henta frå Flickr-bileta til Gamle Lærdalsøyri Grendalag, -
medan bileta under er teke i dag!

Norsk Folkehjelp sin 1.mai-aksjon går i år til palestinske flytningar.

Meldingar frå ei vakker verd!

I går fekk eg Cow og Barnyard frå Lappestua på Eid, - og eg har byrja å planlegge å gjere den i kvit og svart - naturlegvis veit eg at eg kan bruke lang tid på planlegginga! Eg fekk den kreative boka til IKEA i går, der var det også ymse ein kan tenkje seg ein kan gjere utover sommaren!

Sola skin frå skyfri himmel, så det vert nok litt uteliv i bakhagen i dag også! Eg har planlagt å bruke den breibremma grøne hatten eg nytta på 10.000årsjubileet i Jeriko litt i dag - det er jo kongeleg bryllaup så eg vel å vere anstendig kledd, tiara sit så dårleg på 7 mm langt hår!

I går feira vi med is på gatetrappa og grillmat litt sienare på dagen i sola ved uthusveggen - førsommaren er her så absolutt. Framleis er eg lett medisinert - og har ikkje vondt nokon stad - har starte med å øve på øvelsane! Har litt ødem, men ikkje noko å reise til by'n for!

Har fått vattpupp!

Illustrasjonane er frå gruppa of Montreal på Nattjazzen og frå Circus Cirkör: Inside out 2010 frå Festspillene i Bergen sitt program.

Eg berre måtte skrive det, - eg fekk sterke assosiasjonar til førpubertale skulejenter på tidleg 70-tal som ville kompensere litt,- og jaudå eg har brått litt å kompensere. Den hyggelege spesialsjukepleiaren var dyktig og driven til å fortelje og forklare korleis ein skal gjere det greiast mogeleg for resten av livet.

- og at dei har fjerna det meste av lymfekjertlar i armhola, skapar andre problem enn brystet.

Dei to drena er fjerna og verda kjennest rett grei, - at ein er litt medisinert hjelper på!

Utskriven frå sjukehuset - skal heim i kveld og kviler litt i Vognstølen før avreise.

Startar med stråling om 4 vekers tid, det vert 5 dagar i veka i 5-6 veker - slutten av mai + juni i Bergen, det kan ikkje vere anna enn greitt at ein får vere i by'n når det er på det aller vakraste!!!

Påskemorgen slukker sorgen;- nåja ikkje heilt!

Vert stendig meir fokusert på at det lir mot operasjon, - humoren har nok vorte litt råare i det siste!
No ligg eg i operasjonskø, - skal ikkje avgårde før etter 13.
Alt vel!

Klokka 14.35 var eg vaken - han hin fekk lov til å vere her til drygt 8.
Det er heitt her - dryge 24 grader - så dei nye tørre svale sengekleda og ny stooor nok nattskjorte gjorde godt!

Knivskjeraren måtte eit stykke lenger ut i arma før han fann friskt vev i lymfeknutane, sa han då han var innom på oppvakningsrommet - men får vite meir imorgon tidleg - er smertefri og vaken - med andre ord ikkje dopa heilt fredeleg. Har det godt og dei tek vel vare på meg!

Kugalskapens glede!

Ryddar på syrommet i øverste høgdi - høyrde på Påskelabyrinten og no veit eg noko om Børselv som eg ikkje visste før Sarpsborg var første svaret...
Medan eg rydda i kustoffa mine tok eg ei sjefsavgjerdsle om at no må eg snart lage eit kuteppe. Gjekk ned i første høgdi fordi trongen etter eit stort kaffiglas var for stor, - og måtte innom Fjesboki. Lappestua-Eid hadde nokre nye bilete og der var dette biletet...
- det er naturlegvis forlengst tinga - dei har ikkje nettbutikk, men e-postadressa låg på Lappestua si verdsvevside!
Kan naturlegvis ikkje nytte kustoffa mine til denne - men treng visst noko i lyse og gyldne batikkstoff.
Om han hin ikkje syntest vi trong ei resirkulert pappku med ein meter mellom ytterkantane på horna, - må han like denne!

Trur eg må nytte påska til å ta bilete av alle kyrne som er komne innom bøagarden, sidan sist fotorunde - må ha eitkvart viktig å skrive om etter påske også...

- og sidan eg no er opphengt i Eid i dag - sjå på Magni sin blogg, der har han hin lova egg i nye versjonar kvar dag sjekk dagens hjartelege versjon!

Basar for ungdomshuset palmesøndag kl 15.00!

Basarteppet er klart for levering i ettermiddag - det er meldt om mange gevinstar!
Huset treng midlar både til drift og til renovering & oppussing, og meldingane tilseier at det er kome inn mykje på bøkene som har vore lagt ut på Kiwi & Coop. Mange har bidrege med åresalgevinstar også!
Linedancedamene baker kaker,
- det er meldt om godt basarver - litt grått overskya og lett fuktig!

Etterskrift: Teppet og ein bærepose med give-aways frå jobb er levert!

Eg kunne med sjølvsyn sjå mengdene av store og små gevinstar og gåvekort og hjelpe litt til i organiseringa av gevinstar og denslags!  

Det vert -

Basar med stor B!
- og resultatet vart vel 58.000

Porten sin artikkel om basaren!

Berekraftig kugalskap!

Har det heilt klart for meg, det er ikkje alle som vil svare ja om eg spør, -

men - er den ikkje nydeleg ?

Denne typen bruk av gjenbruksmateriale til rein dekorasjon - har eg verkeleg sansen for!

Firmaet som sel denne og mangt anna inkludert eit ansikt og ein fisk er Cardboard Safari.

I går deltok eg på brannøving i Verneområdet -

og hasta vidare til restarten av Lærdal kunstlag i kultursalen.

Det er laga nokre nydelege rom til kunst på Sogn kunstsenter - gler meg til opninga og resultatet av utvidinga av kulturhuset med kunstsenter og lydstudio og omliggande herligheiter!

Interimstyret for kunstlaget hadde fått Oddleiv Apneseth til å vise bilete og fortelje frå fotoprosjektet sitt på Jølster i 2008 - herleg, men det vart ein sein kveld!

I ettermiddag har vi hatt falsk brannalarm,  det er alltids ei mogelegheit for at sola har greidd å varme opp støv i andre høgdi -  har likevel vanskar for å tru at det er ei så enkel forklaring.

Først sjekka eg at det ikkje var brann og så gjorde eg herdige forsøk på å avmelde brannen på displayet.

Det enda med at eg måtte ringe 110 og fortelje at eg ikkje fekk slått av meldaren - og alarmen dura i mange minutt etter den tid også. 

Trygt å vere kobla opp mot alarmsentralen i fylket - og i går fortalde varabrannmesteren at dei er 1- 1 1/2 minutt unna på dagtid. Verneområdet har utløyst ein del millionar i utstyr,  brannmeldarane er det berre vi som har, men trena mannskap med kort utkallingstid, bilar og ekstrautstyr er til glede for alle i Lærdal - og også for alle dei som køyrer gjennom kommunen.

Sender hjarte-eplestafetten vidare...

I går var det 35 år sidan Apple 1 - den første pc'en - personal computer vart presentert.
Eg såg datamaskiner første gong sommaren 1969 i datarommet til Landbrukshøgskulen på Ås.
Det er ei glede å kunne halde kontakt med kjende og ukjende på verdsveven.

Miranne sende meg denne førre veke - no er det stunder for å sende den vidare.

Prisen skal vidare til fem bloggarar som har mindre enn 100 følgjarar, slik at vi kan inspirere kvarandre.

Slik er reglane:

1. Ein må linke til den ein fekk prisen frå.
2. Ein må sende prisen vidare til fem andre bloggarar
3. Ein må svare på fem spørsmål

Eg fyl mange og på ulike språk - valet fell på at dei skriv nynorsk - eit par av dei fortel ikkje kor mange som fyl dei på fast basis, difor vel eg at dei er innanfor grensa:

Hildebjørg på Strikkemor(o)
M&E på På Gløtt
Magni på Magfly
Mallemor på Mallemor
Oline på Oline

og Solveig på Solveig si side fordi ho skriv så viteleg om mat og andre fornuftige ting!


1. Kvifor starta du å blogge?
Skulle setje igang eit åttebladroseprosjekt - hittil har eg ein del fleire eksempel på åttebladroser i ulike teknikkar og prosjektet er framleis ikkje målretta igangsett...

2. Kva slags bloggar følgjer du?
Rimeleg breitt innan ulike handarbeid og handverk - mat - politiske og filosofiske - historiske - sånne som berre er vakre eller på andre måtar får meg til å stogge opp.

3. Favorittfarge?
Raud

4. Favorittfilm(ar)
LOL - filmtitlar er det andre i familen som skriv om, huskar og samlar på...
Det eg huskar er den til ei kvar tid siste, - som Ladder 49 i går, - med rikeleg høve til å få skylt tårekanalane - ja - den var verkeleg på tørkerullnivå...
- dessutan skal vi ha brannøving i Verneområdet i dag

5. Kva land vil du besøke, og kvifor?
Palestina - igjen møte vener i Jeriko - neste gang om våren
Sverige/Danmark - køyre motorsykkel på Storebæltbrua  - den er lettare tilgjengeleg enn Route 66...
Dei baltiske landa - kunst/kultur/handverk/mat - burde ha vore innom Mariehamn på Åland på vegen
Tsjekkia - kjøpe krystallysekrune
... og resten av Noreg og resten av verda - fordi gode opplevingar som ventar utanfor bøagarden også!

Nydeleg telefonstemme!

Kreftlegen min i by'n ringde i føremiddag og sa at det var ikkje kreftceller i prøvene som vart tekne av "flekken bak øyra".
Den vakre stemma fortalde at det difor ikkje var funne spredning av kreften,
- eg går rundt og gler meg over å berre ha brystkreft!

Du verda kor glad eg er for at røntgenlegen min i by'n fann ut at det var mogeleg å nå flekken og at øyrenasehalslegen min laga større bihuler på meg for å få tatt prøver,
- slik at eg slapp å bli strålt i skallen!

Tenk kor mange hjerneceller eg har spart - dei skal jammen vidareutviklast til noko godt!

#12 - ooooops her er det store dobbeltrom også!

Vart ei natt ekstra i by'n!
Det er så mange måtar å sjå utvikling på, - i dag har eg eit rom som må reknast som tilpassing til nye krav eller ynskje frå pasientane - og eg har dobbeltrommet heilt åleine!
Store gode rom som viser at ein har planlagd for langtidspasientar -  to sengar -
( 4 sengar kunne godt ha vore plassert her! )
Begge med godstol ved kvar sine vindu, der ein kan nytte pasientterminalen som denne på Ullevål - den kan også nyttast i senga...
Universell utforming, - god plass til rullestol, også på badet.
Manglande toalettpapirholdar og plassering av toalettbørste er einaste festlege element, - det må vere ein grunn til løysinga...
Dessutan safe og kjøleskap - god plass til baggasje og luft, mykje luft...
Svale gode fargar i grått, blått og bjørkefiner.. tilogmed sengetøyet har strekteikning av blomar i rette svale gråblå nyansen....

Innrømmer enkelt at eg håpar eg ikkje får bruk for slike rom, - men det er deilig å få høve til å bu her for ei natt!

Har fått siste CG-kuren og fjerna det som fungerte som kompress i nasen i dag!
3 timar køyretur heim vert rekna som langt her,
for å spare snarleg tur-retur freista dei i dag å ordne med time hjå spesialist på operasjonen som vert utsett frå ein dato like før påske til etter påske. Det let seg ikkje ordne, så eg nyt livet og får ein time i morgon føremiddag i staden.

Etterskrift - ei god natt utan smertestillande medisin utan å vere vaken - ein lang god dusj og så inn på kaféen etter Biola og te til morgonnyhenda på skjemen på rommet og så lang frukost i kaféen etterpå....
No har kafédama vore innom på rommet med oppskore frukt, juicar,vaniljesaus og yoghurtar - før ho serverer fiskesuppe til lønsj - kirurgtimen vart  i totida - så vi har det godt, medan vi ventar...
Regnet er kome -  vi synest det er greitt å vere inne!

Parkbygget - verandaen i øverste vindusrekkje høyrer til kafeen på kreftavdelinga - ytterst i venstre for den, er det første av vindua på #12.

Utsikta frå rommet mot Gamle hovedbygning og Fløien i det fjerne...





 

Kven har vel ikkje gjort umogelege forsøk på å få plass til baggasjen når ein har vore innlagd på sjukehus.  Alt dette var "mitt" - tilsvarande skåp med kjøleskåp, safe, hyller og opphengsplass på hi sida av rommet...
Her heng dessutan hatt og jakke på ein veggkrok - lett tilgjengeleg...

Persienner og rullegardiner dekkjer utsikta når ein treng det!
Godstolen med bord
Pasientterminalen med tv/radio/telefon/avislenkjer - verdsvev og sjukehusinfo

Dusjforhenget går heilt inntil høgresida av kassa som toalettet er festa til -
toalettkosten heng difor inne i dusjen!

Rapport frå #524

Sit i senga - har drukke avkjølt kaffi og te - for helbreds skuld skal eg ikkje ha noko heitt i dag - og gler meg over at det meste er greitt!
Operasjonen var vellukka - bør vere det når to overlegar styrer på - den eine var kanskje med berre for å sjå... Vevsprøver er henta ut - og eg er glad for at dei ikkje berre sette i gang stråling av "flekken bak øyra".
Tumoren er innom den bakarste bihula på høgre side - i den same bihola er det også ein del viktige faktorar for synet - det var greitt å kunne bekrefte til overlegen då han kom innom på overvåkninga, at eg såg han med begge augo!
No har eg altså utvida bihuler på høgre side - og smerter som ei bihulebetennelse og øyrebetennelse - men slikt finst det smertestillande for...

Har einerom - det er litt veldig greitt...

Etterskrift - har hatt doktorvisitt - "du er klar over kor langt inni haude ditt dei hæ vør?"  - pussig når slikt vert sagt av sunnmøringar...

Lang dags ferd

Vaken klokka 5, og skal stå opp klokka 5 i morgon også - oppmøte klokka 0600 på ØNHsengeavdelinga - det er hardt å vere pasient...
Har fått melding om at eg ikkje er vaken og klar etter operasjonen før langt utpå dagen...
Det har vore ein lang dag med mykje venting mellom prøver og ny runde CT.

Ein liten tur med Bystudenten på YR i Marken - dei har ikkje lenger frityrsteikt Smilsjokolade, men framleis gooode dessertar!

Har funne ut at eg likegodt kan vise til Årdal husflidslag om Smøyg med Siri på museet i gårkveld - Miranne skriv betre det eg ville ha skrive og tek betre bilde enn meg uansett - vel vert å lese er også innlegget "puls"  av i dag også!

Treng ein vårdrage - for å fjerne restar av vinter og gufs!

Kjenner det langt inni sjela at eg treng ein slik - er den ikkje nydeleg?
Eg fann denne Spring Dragon på bloggen Nuperelle, sjå i høgremenyen!
Det er kaldt ute og blå himmel, så restane av snø og is held stand
- men om to - 2- dagar skin sola på huset vårt!

Gjer meg klar for Haukeland hotell i morgon - det vert nok ikkje like morosamt å møte ØNH-legen på fredag som førre fredag - sidan denne gongen er med narkose.
Sist helg hadde eg litt plager etter at han hadde grisla litt - denne helga vert det nok verre - Bystudenten og Trønderinna får nok ikkje kaffibesøk av meg - kan håpe på vitjing av dei i istaden for!

Vi vert fleire som fer på  handarbeidskafé på De Heibergske samlinger på Kaupangerskogen i kveld for å høyre meir om smøyg - som sogningar lenge har nytta som dekor - eg gler meg!
Det er alltid så triveleg og givandes der, i tillegg til gode føredrag, flinke forteljarar og kunnige informantar og høve til å sjå ting på nært hald, er det alltid god kaffi og kaker. - Som så ofte før, har dei laga til ein materialpakke som ein kan kjøpe, om ein har lyst å prøve!

Årdølene har visst tenkt seg ein tur også - her er ei lenkje til Årdal husflidslag si vevside og Miranne sin saum!

Smyg inn SMØYG på museet onsdag før ØNH på torsdag!

Skal til Bergen tidleg torsdagsmorgon for å gjere klart til å opne opp i nase/bihuleregionen, slik at det vert mogeleg å ta vevsprøve av "flekken bak øyra" -
og ny cellegiftkur på måndag -

før den tid satsar eg på å kunne reise på De Heibergske samlingar på onsdagskvelden! -
Siri Benjaminsen frå Sogn Bunadnettverk viser og fortel og lærer vekk teknikken

Dette er det ho fortel i meldinga som er sendt ut:

Ny handarbeidskafé på museet

Onsdag 30 mars kl 1900 vert det ny handarbeidskafé på De Heibergske samlinger - Sogn Folkemuseum i samarbeid med Sogn Bunadnettverk. Temaet denne gongen er smøyg som er ein eldgamal saum- og dekorteknikk.


Smøyg, og kalla vevsaum eller glitt, er brukt på fleire tekstil ein kan finne i museet sine samlingar, til dømes på dåpstøy og bringeduk. Saumteknikken finn ein oftast på klede/tekstil med seremoniell funksjon. Middelaldertekstilet Huldreduken frå Årdal har smøygsaum. I nokre tekstil er smøyg kombinert med andre sting t.d holbeinsting. Det kan ein finne på dåpstøy frå Sogn.


På handarbeidskafeen vil Siri Benjaminsen frå Sogn Bunadnettverk gi ei innføring i smøygsaumen. Det vert teke fram tekstil med smøyg frå museet sine samlingar. Det er til møtet laga ei materialpakke i smøygteknikk som ein kan kjøpa for å øva seg på saumen.


I tillegg vert det utlodding, museumsbutikken er open og i kafeen vert det servert kaffe, te og kaker. Det er gratis inngang og alle er velkomne. Ta gjerne med handarbeid.


Håpar mange av dykk har høve til å møte !
Med venleg helsing
Sogn Bunadnettverk
v/Siri

Neste søndag 3. april er Jorunn søndagsskulelærar på Eldhuset - ho er på Eldhuset førskomande torsdag 31.mars for å fortelje meir!  

Må berre dele dette utstillingsbiletet frå BlockLotto, tenk sååååå mange kviltar!!!

Fredagskveld i heimen!

Klokka 2 i dag, var alt klart for stråling frå komande måndag.
I tretida derimot,-  hadde den andre varianten av framgangsmåte som har vore drøfta parallelt, der iallefall røntgenlege, øre-nese-hals lege og kreftlege har vore innblanda - avlyst stråling frå komande måndag.
Det betyr at dei ikkje strålar før dei har gjort eit endå sterkare forsøk på å nå flekken bak øyra...
Røntgenlegen er den som fann ut korleis det kunne gjerast, - alternativt fann vegen...
ØNH-legen gjorde eit forsøk på å nå aller bakerste bihule for å få tatt ei celleprøve i dag med lokalbedøvelse - det let seg ikkje gjere. Det må ryddast veg for celleprøvetaking via nasen -  kreftlegen meiner det er verdt forsøket, - så då vert det operasjon.
Berre to av haukelandslegane hadde gjort det før. Dei hadde egentleg andre planar neste veke og det var å foretrekke at det var gjort av kyndige folk, sa kreftlegen...

- det einaste eg veit no, er at det ikkje vert stråling neste veke, - men veit likevel uendeleg mykje meir både fordi dei var flinke å kommunisere, - også på det dei ikkje veit!

Godt å vere heime!

- og i morgon skal eg nytte den Nemi-stripa frå bt.no som kom dagen etter den eg har nytta i dag!

Haukeland hotell istaden for det vanlege Vognstølen hotell

- er svært greitt alternativ til vanleg innlegging på Kreftavdelinga!
Men hjå Kari i Vognstølen har vi tilbod om veranda óg - slikt set vi naturlegvis pris på!
Fordelen med å ikkje vere avdelingspasient er at ingen bryr seg om ein har permisjon frå sjukehuslivet -
vi har tilogmed vore i Stølegata i kveld, og feira Ingrid sin dag på førehand.

Vart henta av portør på Kreftavdelinga i ettermiddag - ho leitte etter rullestol som ho kunne frakte meg i - "det er jo langt å gå til røntgenavdelinga!"... , men eg går framleis for eiga maskin! CT'en unnagjort i ettermiddag.

Dette var etter at den søte unge legen freista forsøke forklare,- utan heilt å vite korleis det egentleg fungerer å ta biopsi av "det" bak øyra, gjennom nasen - men dette skjer altså i morgon!

Må regnet som skal lage vår, - vere så vått?

I morgon vert eg lagt inn på Kreftavdelinga på Haukeland, - dei skal jakte på spreiing først, og så stråle meg bak øyra.
Ikkje heilt greitt akkurat, - men det er nok HelseFørde for ei stund!
Det betyr ikkje at eg skal ligge på Kreftavdelinga, - men det er slik dei gjer det i By'n. Hotell til oss sunne og friske som har større glede av å ligge på eit rom åleine, - enn å ha pleiarar tilgjengeleg berre med å trekke i snora!

Det renn heftig med vatn ned i snøen for tida - den vetle elva som knuste ein heim i Balestrand og laga vanskar for den allerbeste isfabrikken i Feios,
det er ikkje gode dagar for offentleg eller privat kommunikasjon, slike dagar!
I vakre Eimhjellen hjå naboane til tante og onkel der det regnar mest i fylket, har det regna rekordmengder som 144,8 mm. I Lærdal har det regna fryktelege 24,9 mm på eit døgn. Dersom nokon skulle ha noko meining om at det ikkje er mykje i Lærdal må eg minne om at her er årssnittet under 500 mm - så det skulle vere 5% av all nedbør på eit år kom på eitt døgn!

Snøen og isen her på flate Øyri fer fort no, - eg lengtar veldig etter skikkeleg Lærdalsvår...
Ser at det er rikeleg med rusk i blomsterbedet på gatesida, hjå oss også. Eg trur eg ventar litt til før eg ryddar - det vert vel fleire frostnetter etter dette - dei første grøne spirane kan vel framleis trenge litt vern.

Samferdsleutvalet i fylket som skulle ha møttest på Skei, nytta videokonferanse på Fylkeshuset og i dei kulturelle fylkeskommunale kontora i Førde - det ser ut som om det å bruke Skype eller videokonferanseutstyr bør inn i den allmenne administrasjon- og politikaropplæringa knytt til fylkesmannens beredskapsplanlegging.

I ein del samanhengar i det siste har det barnevernet vore nemnt som ein årsak til at ein bør ha større kommunar - det kan sjå ut som om det kan gjelde Leikanger også!
Bruken og ombygginga av Fylkesmannsgarden har ikkje gått knirkefritt,- og no er den gamle almen fjerna også!

Slik såg det ut tidlegare i vinter,
no lligg restane av ein vinter igjen,  inkludert mykje strøsand og -grus og det søppelet som ikkje bles forbi...
- og som vanleg Nemi frå bt.no!

- det viktige er korleis ein tek det... -

Dei laga maske til meg i CT-simulatoren på Haukeland i gårmorgon - den skal sørge for at "eg held maska" og ligg heilt nøyaktig korrekt og fredeleg lenge nok, til at dei er sikre på å treffe rett punkt - når eg skal strålast "bak øyra".
Eg har ei dryg veke på å bu meg til omtrent ti stråledosar, fordelt på måndag- fredag i 2 veker...

Stråleterapeuten hadde naturlegvis ikkje noko informasjon om det endrar på tidspunkt for operasjonen - men det er vel å gå ut frå at "dei" meiner eg har fått nok cellegift...
Han skreiv opp at eg ynskjer å møte legen som har sørga for at eg skal strålebehandlast ved neste høve om ei vekes tid...
Eg kjenner meg litt i vakum mellom informantar - Førde kunne ha informert - og Haukeland forventar eg er meir informert eller så er dei ikkje så gode på det, - dei heller. Papira til stråleterapeuten fortalde nemleg at eg var innlagd på Haukeland. Stråleterapeuten hadde etterlyst meg på avdelinga og var ikkje klar over at eg sat ute i ekspedisjonen i atriet, åt medbragt frukost og freista koble meg på gjestenettet til Haukeland...
I det han såg meg, skjøna han at eg truleg var i god nok form til å bu på hotellet ved sjukehuset under strålebehandlinga også.
Eg hadde meldt meg i ekspedisjonen før klokka 8, så dei visste eg var der...

Vi køyrde klokka 4 i gårmorgon, hadde medbragt matpakke og iskaffi i fall vi trong ei pause for å halde oss vakne.
Møtte Bystudenten og Gudmora hans til pannekaker på Pygmalion. Viktig med slike gode møter med god kos og lått!
Vi handla litt glasvarer på ein gjenbruksbutikk. Handla naturlegvis også i Quiltehuset i Marken, dei skal ha symøte kvar onsdag frå 11.30 til 13.30 og på kveldstid iflg sida deira - noko som brått vart aktuelt...
Kvelden i førevegen var vi på Bedehuset på Øyri, åt stor kveldsmatbuffet og sa "på gjensyn" til Wiam og Aesha saman med andre jerikovener. Bedehuset er eit avvigsla nyoppussa og triveleg møtelokale som har gått attende/seld til familien som eingong gav tomta til huset, sidan det ikkje lenger var ordinær bedehusdrift i bygget. Lokalet var pynta med tekstilar som er gjevne til Lærdal kommune frå Jeriko kommune gjennom dei siste 14 åra.
Ein fin kveld!

Nemi er som vanleg lånt frå bt.no - denne var frå 11.mars.

Stråleterapiavsnittet - ikkje eit godt ord.

Fekk telefon i ettermiddag om å kome på Haukeland hotell i morgon, for å vere klar 8.30 onsdag.
Starta dagen med å lage frukost til to jerikanarar, den eine av dei laga arabisk kaffi til oss tre.
Kaffien vart handla hjå kaffihandlaren borti gata frå rådhuset i Jeriko.
Smaken av, - og erindringane om Jeriko har prega dagen.
Brukar energien frå det gode, til å dempe uro kring det ukjente.
Det gjer godt!

Vekebladet Familien har vore på Øyri!

I Familien nummer 6 som kjem ut i morgon 14.mars, er det ein artikkel som beskriv ein sommartur i fjor frå Indre Sogn til Jølster. Naturlegvis er det mangt som kan endre seg frå ein sommar til neste.

Av dei nye faktorane i år er Sogn kunstsenter  - eit tilbygg til Lærdal kulturhus og Norsk villakssenter teikna av arkitektkontoret brethdelacalle ,- vår eigen avdeling av Sogn og Fjordane Kunstmuseum -bla fram til side 17 av 21 den fortel at:

Astrup Fearnley Museet for Moderne kunst presenterer følgande opningsutstilling frå 3.juni:  Norske maleri 1970-2010 – Fra Bleken til Melgaard

Elles i "Familien"; - ein fin Lappeskole del 1 av 6, 21 blokker og mange ulike teknikkar skal gjennomgåast i dei neste utgåvene av bladet - dessutan snarvegar, lure tips og montering.
Endå ein grunn til å planlegge eit nytt teppe i vår!

Kvinnedagen 1881 på Bedehuset!

Lilly Kvamme, nestleiar EL&ITforbundet Klubb Opplysningen på talarstolen i Bedehuset på Lærdalsøyri!

Porten sin artikkel om arrangementet

Sogn avis om arrangementet
NrkSfj sin artikkel om venting på styrevedtaket 10.03.2011



Slik skriv initiativtakar Bente Øien Hauge det på fjesboksida Kvinnedagen 1881:
"BAKGRUNNEN FOR AT 8. MARS I ÅR ER EIT SOLIDARITETSARRANGEMENT FOR 1881:

Som kjent er det risiko for at 21 tilsette ved Opplysningen 1881 i Lærdal kan miste jobben. Den endelege avgjerda vert teken i eit styremøte som skal haldast i Oslo berre to dagar etter kvinnedagen 8. mars. (Styremøtet skulle fyrst vore på sjølve 8. mars, men er no utsett.) Sjølv om me håpar på eit positivt resultat, må ein bu seg på nedskjering.

Opplysningen 1881 er viktig for heile Lærdal og har heilt sidan Telegrafen si tid vore ein viktig kvinnearbeidsplass og kompetansearbeidsplass. Styrevedtaket 10. mars kan i verste fall bli eit hardt slag for avdelinga og for det som i dag er ein god arbeidsplass for kvinner og menn frå heile Indre Sogn.

Denne avgjerda berører oss alle! Og det blir heilt feil at dei tilsette skal møte denne situasjonen aleine. Kvinnedagen er eit ideelt høve til å gje dei handa og syne solidaritet med kampen for arbeidsplassane på 1881 avdeling Lærdal.

For kamp blir det, om fleirtalet i styret vedtek oppseiingar i Lærdal! Og dei tillitsvalde har gode argument for å kjempe mot avgjerda; det er ikkje lovleg å seie opp fast tilsette når ein samstundes nyttar vikarbyrå og midlertidig bemanning på tilsvarande stillingar i samme verksemd."

Arrangementet Kvinnedagen 1881 hadde i tillegg til orienteringa frå Lilly, fine appellar av Anne-Elin Tunsberg - plasstillitsvald EL&ITforbundet og Bjørn Skalle plasstillitsvald Negotia

Fine solidaritetsappellar frå Jan Steinar Hole frå Fagforbundet, Ingrid Kristina Rio frå Utdanningsforbundet, Anne Karin Kvamme frå NITO, Helge Evensen Bjørkum frå Ungdomsrådet og Per Steinar Kvamme frå Handelsgruppa.

Elisabeth Stewart Søvik song vakkert for oss og gav oss også god lått og skotske innspel.
Magne Grøttebø akkompagnerte Elisabeth, men sang også vakkert for oss.

Sissel Randi Lysne les gode dikt frå diktsamlinga Fetang av Kari Bakke.

Ingebjørg Voll og Bente Øien Hauge var programleiarar og organisatorar.
Kvammes hadde levert smakfull Solidaritetssuppe og brød.
Eit breitt utval av gode opplysningskaker var levert til kaffien!
Vi gjekk heim med ei oppløfta stemning frå Bedehuset!

Museumsseminar om huldreduken i Ve og Kvinnedagen 1881

Neste veke er det seminar på museet på Kaupanger - De Heibergske Samlinger

her er programsidene for Seminar om folkemedisin, magi og klarsyn

Eg skulle gjerne også ha vore der når Siri Benjamninsen på torsdagen fortel om
Huldreduken i Ve. "Segna, duken og rekonstruksjonsarbeidet"

Det er travle dagar for tida,- men vi får tru at vi i Lærdal får lage eit arrangement med Siri slik at vi får sjå kva årdølene broderte for 700 år sidan, vi også! Førre lenkje var frå Nrk sitt Fylkesleksikon - her er Porten sin artikkel frå ein Dialekt- og stadnamnkafeen i ungdomshuset i Øvre Årdal..

Påmeldingsfristen til seminaret er utsett til morgon 9.3.:
De Heibergske Samlinger – Sogn Folkemuseum,
Vestreim,
6854 Kaupanger

Telefon: 57 67 82 06

Telefaks: 57 67 85 11

sogn.folkemuseum@dhs.museum.no

Vi er i rute til arrangementet i Bedehuset i kveld klokka 20.00

Kvinnedagen 1881

Kulturinnslag og appellar
Solidaritetssuppe og opplysningskaker!



 

Taktskifte og fokusendring!

Fekk nestsiste cellegiftkur sist tysdag -
atter ein gong fekk eg meldinga om at eg hadde bemerkelsesvis lite plager av den sterke cellegiftcoctailen...

Hadde ein koseleg ettermiddag og skulle avrunde byturen med ein tur på iskafe - og fekk eit epileptisk anfall der! Den kafetilsette fann ikkje puls, så eg fekk ein omgang med hjartekompresjon - så eg stryk meg mjukt over brystbeinet - det er sårt der,- men eg er glad for at det finst slike som tek ansvar!

3 dagar på sjukehus med MR, CT, EEG osv og fekk som førebels resultat fredag ettermiddag at eg har ei endring på skallen bak øyra - så no er eg overført til by'n for dei store undersøkingane der, - og siste cellegiftkur er truleg avlyst.

Eg veit akkurat så lite om kva dei har funne - så eg plukkar opp litt god energi denne helga heime til å møte Haukeland med i vekene som kjem.