Sylteglaset og to koppar kaffi

Når tinga i livet verkar nesten uoverkommelege; og 24 timar pr.døgn ikkje er nok, -

husk sylteglaset og kaffien.

Ein dansk professor sto framfor filosofistudentane sine med nokre ting framfor seg.

Då timen starta tok han uten å seie eit ord

fram eit veldig stort og tomt sylteglas og byrja å fylle det med golfballar. 

Då han hadde gjort det, spurte han klassa om glaset var fullt, -

dei var enige om at det var det.

Professoren tok fram ei kasse med småstein,

og byrja å helle småsteinane ned i glaset.

Han rista glaset lett, slik at småsteinane fordelte seg imellom golfballane.

Igjen spurte han studentane om glaset var fullt, og det meinte klassa at det var.

Professoren tok fram ei kasse med sand og byrja å helle sanden i glaset.

Sanden fylte naturligvis dei resterande holroma i glaset.

Igjen spurte han om det var fullt. Klassa svarte einstemmig ja.

Til slutt tok professoren to koppar kaffi og helte dei begge i glaset.

Holrommet mellom sandkorna, vart no effektivt fylt.

Studentane lo.

"Vel - ", sa professoren, då låtten stilna av -

" - dersom de no ser føre dykk at dette glaset representerer livet dykkar.

Golfballane er dei viktige ting i livet -

slikt som familie, kjærestar, barn, helse, vener og yndlingspasjonar -

dei tinga som, sjølv om alle andre ting gikk tapt, og berre desse tinga var tilbake,

ville dei likevel gjere liva dykkar fullkomne.

Småsteinane er dei andre tinga som betyr noko - slikt som jobb, hus, bil osv...

Sanden er alle dei andre småtinga."

Professoren fortsette: "Heller de sanden i glaset først,

er det ikkje plass til verken småsteinane eller golfballane.

Det samme gjeld i livet: 

Nyttar de all energi og tid på dei små ubetydelige tinga,

får de aldri plass til det som er viktig for dykk.

Vis merksemd til dei tinga som er avgjerende for lukka dykkar.

Leik med ungane. Pass på helsa! Inviter partneren på middag.

Opplev kultur eller sport, ta ein runde til på golfbana eller gjer noko bra for samfunnet.

Det vil alltids vere tid til å gjere huset reint og ordne avløp.

Ta dykk av golfballane først - dei tinga som verkelig betyr noko.

Få styr på det de vil prioritere - resten er berre sand."

Ein av studentane retta handa i veret og spurte kva kaffien representerte.

Professoren smilte: "Eg er glad for at du spør.

Det er berre for å vise at uansett kor fullstappa livet ditt opplevest å vere,

så er det alltids plass til eit par koppar kaffi saman med ein ven".

Det er litt vel mange ting eg skulle ha greidd å få gjort slike dagar -

middagskvildene mine har difor ein tendens til å verte litt vel lange

før eg greier å ta meg inn att!

Av ein eller annan grunn var eg inne på Livet i Lønnetunet,

den gamle bloggen til Lyst på livet

eg veit har lenkja til den før

- eg berre måtte skrive den om til nynorsk!

Dørtepper

Desse to gamle teppa vart opprinneleg laga på 90-talet

 for å skjule innhaldet av to hengehyller i tekstil frå Ikea.

Den eine var til oppbevaring for handdukar, - den andre til barneklede.

No heng dei om sommaren på kvar side av den doble gatedøra vår.

Om vinteren heng teppa også framfor døra,

men då heng det som opprinneleg

var to kvilta sengeteppe i ubleika bomull frå Ikea bakom desse husteppa.

Ikeateppa er litt lengre enn høgda og betydeleg breiare enn rommet

slik at dei kan brettast mot golvet og gå godt over kvarandre på breidda!

Gatedøra i huset frå 1847, er på ingen måte tett -

dette er ein grei måte å halde varmen innomhus om vinteren -
då nyttar både vi og gjester kjøkkendøra!

Kvifor i alle dagar fortelje om dette?

Eg har lyst på eit av to årsabonnement av Gamle hus, hager og interiør

som Livs lyst har på bloggen sin.

Ikkje heng dei vakkert, - og biletet er langtfrå godt -

men det var dette eg tok meg tid til for å få eit lodd i trekninga!

Har lagt om til vinter!

- har strømper på beina frå og med i dag!

Syr saman dei siste blokkene på det grøn/svarte teppet som har vore i arbeid ei stund.

Den 10.10.2010 feira vi 10.000 årsjubileet til Jeriko i Palestina -

denne reportasjen sende Arve Uglum heimatt til Nrk om feiringa i Lærdal Park, dagen etter!

På torsdag kjem det vitjing frå Jeriko - det inkluderer litt informasjonsarbeid!

Eg saknar varmen!

Tinekyrakoppar og flotte damer og litt rosa!

Har hatt vitjing av tante og onkel -

og fått to nye kyrakoppar!
Dei fekk lunka nybakte eplemuffins - baka med glutenfritt mjøl og Raud Aroma-eplebitar,
sidan eplehausten er så elendig i år at dei ikkje kunne få med meir eple austover!

Det er ekstra gildt å ha tanter tilsett i Tine når dei har tinga så fine koppar frå Porsgrunn Porselen!

I dag var det tida for at Jagland skulle fortelje kven som har vunne Nobels fredspris 2011!
"Den Norske Nobelkomite har bestemt at Nobels fredspris for 2011 skal deles i tre like store deler mellom:

Ellen Johnson Sirleaf,
Leymah Gbowee og
Tawakkul Karman

for deres ikke-voldelige kamp for kvinners sikkerhet og deres rett til full deltakelse i fredsbyggende arbeid."

Nobels fredspris gjeven for arbeidet knytt til arabisk vår, Tawakkul Karman fra Jemen.
Nobels fredspris gjeven for arbeidet knytt til liberisk nasjonabygging, president Ellen Johnson Sirleaf
Nobels fredspris gjeven for arbiedet knytt til liberisk grasrotbevegelse, Leymah Roberta Gbowee

Den Norske Nobelkomiteen si heimeside

Her er ein av Dagbladet sine artiklar.

og her er omtale i BBC News

og omtalen i BT


- og så måtte eg legge ut denne videoen!
Den er god i starten og vert berre betre!

Etterkontrollert

Var til lækjaren med vakrast stemme i går.

Han spurde, høyrde og forklarte, slik han er så flink til!

Han gjer pasientane - ( les: meg ) - trygge.

Ikkje teikn til spredning,

- og ei god rettleiing i korleis eg skal undersøke meg sjølv fram til kontrollen om tre månader.

Han seier: oppdagar du noko så ring meg, - er eg ikkje tilgjengeleg, så ringer eg oppatt!

Var naturlegvis på handel

- ovanfor er den vesle fløyte-/mjøkemuggen CALF&HALF 

frå Ting på Bryggen.

Var innom på Quiltehuset i Marken og Norli på Galleriet

- begge plassar fekk eg umåteleg god service! 

- naturlegvis var eg innom på Rezepten for å hente protesen og bh'en frå Tyskland

No har også eg "høi byste"!

Middag med godt selskap på Jacob Aall.

Før vi for heim sat eg ei lita stund og kvilte på ein benk på Bystasjonen

- åt dadlar frå Palestina eg hadde handla på Meny - Bergen Storsenter

og innsåg at eg var lukkeleg.

Eit ansleis år, men eit godt år!

30.09.2010 fekk eg telefon frå sjukehuset om at det var kreftceller i venstrepuppen min.

30.09.2011 har eg "Rosa-sløyfe"stand på Øyri

Ei av 12 kvinner får brystkreft i løpet av livet -

takka vere forsking overlever stendig fleire av oss

- lenkja over fortel også at du kan sende ein sms med

 ROSA til 2277

- då vert telefonen din belasta med 50 kroner

eller bidra med det du ynskjer til

kontonr 7001 09 88592

Elles vil eg oppfordre alle om å nytte lenkja til
Foreninga for brystkreftoperte

og her er lenkja som fortel om korleis du gjer sjølvundersøkinga.

Det øverste biletet er frå Rosa sløyfe aksjonen i Canada.

Sløyfa under er eit av produkta du kan kjøpe i årets aksjon

Tankar i lys av det eg skreiv for eit år sidan

Eg har sydd i Eldhuset i dag, - og det hadde eg i følge bloggen
tenkt å gjere 28.september 2010 også,
  - eg les at eg hadde tenkt å ta opp tråden etter kvelden før

Det var 9 dagar til reisa skulle starte for oss som skulle delta på 10.000 års jubileumsfesten i Jeriko.

No er det 15 dagar til ei gruppe jerikanarar kjem på vitjing her.

Eg hadde lenkja til Sissel Wold sin artikkel om Lyden av Jerusalem -

denne gongen høyrer ein kva utanriksministeren i USA meiner om byggeplanane 

av 1100 bustadar i Aust- Jerusalem.

Dessutan gleda som kom fram då president Mahmoud Abbas hadde levert søknaden

om medlemskap i FN i New York.

Likar meldingane frå talarstolen at Noreg stiller seg bak palestinarane.
Og vert lei meg når eg les det Kjetil Nilsen fortel i bloggen Checkpoint Vestbredden
om "Skriket" - det nye våpenet.

Eg syntest det stod dårleg til med reingjering i heimen i 2010, - eg var sliten!

I dag har eg vaska vindauge og stryk både hardangersaumkappene og dei kvite lingardinene til stova.

Gjorde det same på spisestova i går, - gjorde ikkje så mykje meir.

Vert sliten no også, - men på ein annan måte.

Ein Haustmarknad som den i år - førte til 2 dagar med ekstra mykje kvile og sømn,
- og det er verdt det!
Slik rapporterer Porten frå marknaden.

På fredag er det 1 år sidan eg fekk telefonen på jobb frå sjukehuset i Førde om at denne gongen hadde dei greidd å treffe den 4 cm kulen i brystet og at det var kreftceller i den.

På tysdag skal eg på første kontroll på Haukeland -

det følest trygt å reise dit.

Eg har sjølv valgt å få oppfølging der -

er glad for at det er mogeleg å velge vekk det sjukehuset ein høyrer til.

Etter at kreftlegen og kreftsjukepleiaren på Helse Førde valde å ikkje informere meg -

fordi dei meinte at eg ikkje hadde godt av å få vite kva

dei trudde dei hadde funne i skallen i mars 2011, -

mista eg tilliten til dei heilt og fullt.

Då er det fint å reise til Haukeland, - der eg i motsetning har møtt legar og anna helsepersonell

som er istand til å fortelje kva dei ikkje veit eller kva dei ikkje forstår

og korleis dei går fram for å finne ut meir.

- slik blogga eg på denne dagen i fjor

Det er trist lenkja til videoen ikkje verkar - men det skapar gode arabiske og palestinske matminne.
Hm - :-D  - videolenkja verkar tydlegvis stundom!


Etterskrift - eg hadde heilt gløymt at eg har to nye mjelkemuggekyr etter marknadshelga-
den eine fekk eg hjå Ingrid i EllenAntikk;-
ei blå som ser ut som ein nyare og betydeleg enklare kopi av denne blå nederlandske bjøllekyra,
medan den eg fann i ei brukthandlerbu bortom Eldhuset liknar
på desse kvite mjelkemuggekyrne.

Vakkert pyntebrød frå Gamlebakeriet

I dag har eg lært litt meir om fyring av steinomn, baking og steiking av pizza, pyntebrød og vanlig brød!

Det har vore ein kjempefin dag i Gamlebakeriet!

Else "Sprossa" Rønnevig var lærar og Prosjekt bærekraftig reiseliv var arrangør.

- eg har svært mange bilete - som eg må sortere og legge ut seinare.

Dei som ikkje ser at pyntebrødet har ein vinranke med vinblad

må vere svært fantasilause, - eg synest det ser heilt fantastisk ut!

Pizzaen vart steikt i omnen 4-5 minutt - sprø tynn botn og spanande blandingar oppå.

Dette skal eg gjere igjen!

Her har pizzaen vore i omnen 1-1/2 min!

Her er brøda dei 25 brøda ferdig steikte.

 

Eg legg ut fleire bilete på flickr.com "kuregister" etter helga! 

Resirkkyr og helgeførebuing

Kyra vart kjøpt inn til ein anna heim som toalettkosthaldar -

den vart aldri teken i bruk, gjerne grunna at duppeditten som skulle halde kosten, vart knekt.

Den førre eigaren var innom i sommar og såg kjøkkenglaset mitt

som den fornuftige dama ho er, såg ho at ho kanskje hadde ein ny heim til kyra.

Resirkkyra har passa på basilikumkrukka på kjøkkenbenken -

sånne små krukker lever ikkje så lenge,

resirkkyra sin posisjon er difor oppjustert endå meir

- til spisebordet -

Det lir mot Haustmarknad -

eg har ikkje vore aktiv med i arrangementet siste året,

så eg skulle berre... 

I tillegg fekk eg spørsmål om å ta del i Rosa-sløyfeaksjonen -

dvs. ein liten pre-start, sidan det er marknad.

Difor vert det litt informasjonsmateriell frå Brystkreftforeninga & innsamlingsbøsse på Eldhuset.

Resten ventar eg med til oktober.

På Eldhuset serverer Lærdal husflidslag nysteikte vafler og kaffi/te og sel husflidsvarer.

I same lokale er også Jerikobui som er driven på dugnad av medlemer i Vennskap Jeriko-Lærdal.

Jerikobui deltek på dei to marknadane og er sommarope i Eldhuset på laurdagane juli&august,

då sel dei også varer for husflidslaget.

I morgon skal eg bake i Gamlebakeriet -

då vert eg nok såpass sliten, at eg bør ta helgevasken i dag!

Haustmarknad inneber tilreisande gjester!

Lokkekyr og søndagsskule

Eg vart varsla om at denne smørkyra stod og viste seg fram i eine butikkvindauget til

Lærdalsøyri brukt & antikk.

På veg med utstyr og tepper til Eldhuset i dagtidleg - gjorde eg meg eit ærend i Øyragata

og gjekk heimatt med eit stort smil.

Denne måtte eg ha!

Størrelsen?

Bak lokkekyra/smørkyra

 ligg det ein heilt vanleg Ramona kniv frå Hardanger bestikk...

Den kan tildømes brukast til ein mørk sjokolade- eller konfektbit...,

det er sjeldan behov for porsjonssmør her i heimen!

Eg har vore søndagsskulelærar i dag -

i Eldhuset til Lærdal husflidslag.

Tidlegare har husflidslaget hatt nokre kurshelgar, men i det siste helst eindagerskurs.

Eg har vel skrive tidlegare om då eg fortalde at eg hadde

testa ein ny metode til å sy "flygande gjess"

- i relativt få operasjonar og utan svinn -

så enda eg opp med å foreslå at eg kunne ha søndagsskule på teknikken.

Sjølv om det er ganske god plass i lagshuset til Lærdal husflidslag

er ein del av plassen oppteken med varer til Haustmarknaden neste helg.

Når 4-5-6 damer skal byrje med å skjere stoff samstundes,

vert det gjerne litt trangt på dei borda som er gode til denslags.

Nokre kursdeltakarar har sydd lenge, medan andre er ferske i faget.

Eg har lenge hatt ynskje å laga teppe til Tepper som gleder-aksjonen til Bergen Quiltelag.

Dette var rette høve til å få hjelp til å sy teppet!

Eg kutta opp bitane til alle blokkene,

sorterte dei slik at stoffbitane til ei blokk var samla kvar for seg,

- og teikna skjere/klippelinja og nåla fast til første syoperasjon på desse.

Eg sydde eksempel på saum- klippe- og strykeoperasjonane og

la dei i rett rekkefølge, slik at alle kunne sjekke neste steg på benken der dei låg.

Rekna med at det var enklare å lære teknikken på den måten -

då visste ein kva bitar som måtte til når ein skulle skjere det sjølv

og det kunne vere tid til å forklare for kvar enkelt etter kvart som behovet melde seg.

Eg hadde eit panelstoff  -

Sy- og strikkebui i Sogndal har det enno og skulle nytte rosa stoff eg hadde etter roseteppet til Trønderinna.

- berre så det er nemnt Trønderinna er på Epla med Sløyfe & co -

nydelege bittesmå sløyfeøyredobbar!

Eg hadde altså ikkje rett storleik på mange nok rosa stoff med rett farge,

så eg enda opp med å handle 4 nye rosa og eit beige stoff.

Eg byrjar snart å få ei heil trådkorg med rosa stoff - bekymringsverdig!

Iallefall - alle skulle sy ei blokk før dei byrja med ein gryteklut eller løpar eller duk...

Dei fleste sydde fleire blokker og dei som ikkje hadde høve til å delta i dag,

får sydd kvar si blokk seinare i veka...

Etter at eg har sydd ferdig dei blokkene som viser arbeidsoperasjonane

- er teppet på det næraste ferdig -

Om nokon ynskjer det - kan eg bruke kviltearbeidet på teppet til å forklare korleis kvilte slike teppe i tildømes tre delar, før ein saumar det heilt saman...

Sissel K., leiaren i laget, hadde laga gryterett med salat og ris til oss -

vi hadde også kake til kaffien!

Med andre ord, det var eit velsigna greitt søndagsskulemøte!

   

Med lyseblå beautybag for puppen!

Kan ikkje anna enn dele eit bilete av denne,

naturlegvis treng ei brystprotese ein oppbevaringsplass...

Slik kan ein beautybag for denslags altså sjå ut og slik vert den levert frå fabrikken -
eg var på bytur i går på prøving og handel på Rezepten.
Med 2 proteser i året - kan det ende opp i eit utal av beautybag'er!

Det tek litt tid før eg går rundt med brystprotesen - tidlegare kalla "kyllingfileten"

- no korrigert til "kalkunfileten" - ei meir presis beskriving av storleiken.

Testa den litt i går - har tydelegvis framleis litt tynn hud - så eg ventar til resten av utstyret kjem frå Tyskland, før eg brukar den over lengre tid...

Ei heilt hyggeleg og grei oppleving!

Ein vert registrert hjå første bandagisten der ein leverer protesetilvisinga -

seinare kan ein gå til kvensomhelst -

som dama sa, det er ein tilstand som ikkje går over - ein treng ikkje tilvising kvar gong!   

Naturlegvis!     

 Hadde gode kvilestunder både på China Palace, Cafe Opera og Cafe Aura -

ein fin måte å treffe fleire til ulike tider gjennom dagen!

I så måte mest stolt over at eg ikkje let meg friste av kaker verken på Opera eller Aura -

Libra gjev meg styrke til å stå imot freistingane - dette må gå bra!

På Quiltekroken stod eg derimot ikkje imot freistingane

og på Nordli fann eg ei artig bok med dei 100 første orda ein bør lære på arabisk.

Den kjem kanskje til nytte no når alle barnehagane og skulane skal førebu seg på besøk

av unge frå vennskapskommuna.

 Ein nydeleg haustdag ventar der ute -
denne artikkelen er å finne på verdsvevsida til avisa frå dei heimlege strendene
Sunnmøringen

- eg skal sykle vel 9 kilometer innomhus, før eg er klar til å gå ut i den store vide verda! 

Bakaromnkurs i GamleBakeriet 22.september med Else "Sprossa" Rønnevig - og litt til!

Det er på tide å lære å bake - eg har meldt meg på kurs - neste torsdag!

Else "Sprossa" Rønnevig er lærar.

Fyre bakaromnen, steike pizza, bake brød og steike på ettervarmen...

Det er Lærdal Bærekraftpilot som er arrangør.

Gamlebakeriet, eigd av Fortidsminneforeninga i Verneområdet på Lærdalsøyri
har ein omn som verkar - etter at pipe og omn vart sett i stand for nokre år sidan -
med hjelp frå så vidt eg minnest,- ulike fond og organisasjonar.

Teppa eg har laga sidan 1994 eller deromkrig -
er i utgangspunktet meint for vaskemaskin (og tørketrommel ).

Eg trur dette er det tredje større teppet eg laga - i såfall  for 16-17 år sidan  

i motsetning til eit av dei eg laga for 14-15 år sidan som vart "brukt opp" -
 så har teppet vore brukt fram til det siste.

Den ytterste kanten har vore utsliten ei stund - no har eg sett på ein ny og dobbel kant -
smal som ein lukkekant på baksida -
og 5 cm som dekkar det utslitne området på framsida...
Nokre av stoffa er like fine - andre har skifta mykje farge - nokre av dei hadde litt gulltrykk og
ein del har altså ikkje vore "sterke nok" til den bruken teppet har hatt.

No kan det nyttast ei stund til som koseteppe på Salen...

Her er teppet med dei japanske stoffa ferdig til vask -

har nytta tråklelim - likar at den er vekke før teppet vert teke i bruk...

Er litt nøgd med baksida - hadde ikkje høveleg baksidestoff - hadde eit halvt beige/kvitt som eg syntest eg kunne nytte - litt ubleika lerret har ein alltids - men ikkje nok til halve teppet - 

 hadde nokre omtrentleg 20 cm restestriper av dei japanske stoffa - nytta nokre til baksida i skråskoren form og resten som dobbel lukkekant saman med to WOF-striper av japanskliknande stoff...

Mest nøgd er eg at begge teppa er ferdige og klar for vaskemaskina og tørketrommelen! 

Etterskrift - eit nyvaska og nytørka teppe heng på trappegelenderet i andre høgdi - og kjølnar seg før det vert rulla saman og plassert i den eine sofaen på stova -

det kan sjå ut som om den ikkje kom lenger.

Mange slags val - godt val!

Eg nyttar borgarretten min og stemmer på det partiet eg brukar å stemme.

I år har eg tilogmed sagt ja til å stå på lista, det har eg tidlegare sagt nei til - men i år står eg på trygg plass!

Trygg plass i denne samanhengen er midt på lista i følge dei som plar stå på liste -
ikkje i nederste del av lista,

då vert ein synleg og får eventuelt ekstrastemmer for det
og iallefall ikkje i øverste del om det hadde vore aktuelt, - der ein heller ikkje er usynleg.

I tillegg har eg valt å starta på eit nettkurs med Libra 

- det overordna målet er å kunne bruke bunaden min -

då må eg halde på lenge - der er nokre delmål eg tek sikte på i mellomtida!

I dag er eg ferdig med teppet med hovedsakleg japanske stoff.

Eg kunne valt å halde fram med stjerneteppet til han hin, - sidan det er raudt og har rett farge for dagen!

Eg kjem nok til å halde fram med det grøne&svarte teppet,

det er meint å vere eit sengeteppe i Sunnfjord.
No når eg har funne den greie måten med å kvilte tepper i tre delar, - slik at det ikkje er for tungt for meg.

Vi var i Provincen i helga - han hin plukka eple, pærer og plommer,

det var raskt gjort å plukke det som var modent.

Det er lite eple i år - med ein vinter som har krevd oss på andre felt,
 har vi heller ikkje klipt årsskot og gjort grunnarbeidet.

Det var ein kald vår, mykje regn og lite sol verkar også inn på frukthausten.

Det var eit naturleg val å ta og sidan ein del av frukta ikkje er feilfri,
vert det ein god del eplejuice i år - seier han hin.

Eg valde vekk å hjelpe til med den vesle frukthausten og sydde prøveeksempel for dei ulike "arbeidsoppgåvene" for den komande søndagsskulen,

Eg har funne nokre typiske barnestoff som kan nyttast til første prøveeksemplar,

då kan eg velje å gjere dei ferdige til Teppe til glede.

Eg veit ikkje om nokon har meldt seg -
prøveeksempla kan nyttast på ein vanleg lappesaumarmåndag også!

  

Eg valde å starte dagen med å sykle 9,2 km på ein halvtime i dag. Eg var godt i gang med denslags på Pusterommet på Haukeland, - dei store strålesåra gjorde til at det stogga heilt opp.
No er eg igang igjen!

Ynskjer alle ein god valdag!   

Mjølkeglas og Norsk Quilteblad - #kvardagslukke

Travle dagar treng gjerne avløysing av fredelege dagar - gårsdagen var eigentleg slik.

La Quiltebladet til sides då eg henta posten, - fordi eg skulle nyte det seinare.

Hadde sydd på lukkekanten på det japanske
og såvidt starta handsaumen på den, før eit møte i gårkveld.

Fekk ein blå mjølkekartong med helsing frå kona til ein av møtedeltakarane.

- breie smil og melding om å gje kona ein klem som takk! -

Kvilten på framsida av bladet fekk Hederspris og dommerens val på the Festival of Quilts 2011.

Kvilten "Dassehra" er laga av Bente Kultorp Andresen

127 cm x 167 cm. Foto NQF/ Merete Veian

Søndagsskuleplanar

Eg skal vere søndagsskulelærar om det høver for dei potensielle elevane, - den 18.september.

I ein svak augneblink tidlegare i sommar hevda eg at eg kunne ha
kurs i Eldhuset i "flygande gjess" -
ein av variantane der ein syr mange samstundes.

I går fekk eg "kniven på strupen" av styret i husflidslaget - og måtte velge dato.

Flygande gjess kan nyttast i kombinasjonar i så mange blokker og som mangt anna,
kan dei saumast med 2 ulike stoff eller uendeleg mange.

Ein eller annan gong eg testa ut teknikkar før eg byrja på det egentlege saumarbeidet,
innsåg eg at det er ikkje så farleg om testblokker vert UFO'ar
- dei kunne alltids verte gryteklutar.

Eg ser føre meg at det er ein fordel iallefall før eg veit om nokon melder seg, at det kan tenkjast vere både ferske og meir drivne lappesaumarelevar. 

Difor har eg ein plan om å vise at ein gryteklut med lukkekant

i røynda har mykje av det same i seg som ein løpar, ein duk, eit krabbeteppe eller eit dobbelt sengeteppe.

Eg har ikkje gløymt tanken om at det trengst meir åttebladroser - derfor vert flygande gjess til åttebladrose.

På baksida, alternativt hi sida av grytekluten, kan det alltids vere berre flygande gjess.

No er det berre lukkekanten som manglar på neste teppe,

det går framover - du verda kor flink eg er å rydde i lageret mitt! 

I dag er det møte i FFB - Lokallaget for Foreningen for brystkreftopererte Sogn

har møteplassen sin på Lægreid hotell.

Hageselskap og kugalskap

Vi sa ja takk til å delta på Hageselskapet på Sogn kunstsenter Gjesmesamlinga i går,
- gode kunstopplevingar - gode musikkopplevingar og gode matopplevingar!

Morten Johan Svendsen geleida oss gjennom utstillinga.

Vi har både sett utstillinga og høyrt han fortelje om den før,
- denne gongen var den positivt prega av at han hadde fått andre innspel og historier i løpet av sesongen.

Opningsutstillinga til Sogn Kunstsenter har vore
Figurer og fortellinger, Norsk samtidskunst fra Astrup Fearnley Samlingen er open fram til 9. oktober.

Norsk figurativ kunst fra samlinga til Astrup Fearnley Museet - eller slik museet seier det:

- "en kunstnerisk opplevelse som presenterer noen av de fremste innen norsk kunst de siste 40 år.

- Det nye kunstsenteret i Lærdal er et praktfullt byggverk som står i et vakkert landskap. Denne unike konteksten vil skape nye muligheter og utfordringer for både kunstnere og besøkende. Vi ser fram til flere ambisiøse utstillinger og et fruktbart samarbeide."

Også denne gongen er det eit bilete av Ørnulf Opdahl eg gjerne skulle ha funne ein plass i heimen,
- medan han hin likte eit av Bjørn-Sigurd Tufta svært godt.

Lærdalsmat leverte maten - hjortegryte og eplekake med godt tilbehør.

Marita Vangen Bratteteig og Gudmund Bolstad Skjær var ein fryd å høyre i to bolkar med tekstar av
Bertolt Brecht  - den eine med musikk av Kurt Weill,  den andre med musikk av Hanns Eisler.

Her er meir på verdsveven om alle tre.

Tidlegare på laurdagen hadde vi gyldig ærend til ein tur til Sogndal,

det enda med litt meir enn synåler på Sy- og strikkebui.

To nye kyraprodukt er kome i kyrasamlinga.

Ein ny nøkkelring med ei utflata kyr med ville auge.

- og to par strømper med sånne anti-skli prikkar! 

han hin insisterte på at eg kanskje i spesielle høve kom til å ville bruke kyrastrømper -

i den augneblinken ville dei vere synleg brukte, difor vart det 2 par!

No byrjar komers'en for alvor å oppdage svakheitene hjå oss med kugalskap!

Eit langt år - med dei beste tankar om mange nye år!

Ein Sunnfjordsdag skreiv eg for eit år sidan.

I morgon er eg ferdig med første boksen med Tamoxifen som eg starta med då strålinga starta, ikkje då operasjonen var ferdig som eg huska det som her eine dagen.

Sola skin, - eg gjer litt ymse verdsvevarbeid og litt handsaum på det japanske - fingrane mine vert gretne når det er mykje handsaum - så pauser er tenlege!

Dette er ei av dei mange kyraoppskriftene eg har på lager.

Eg har samla dei no etterkvart, - då huskar eg dei og kan gle meg til dagar med mindre handsaum - eit alternativ er å låne dei vekk til Trønderinna - ho treng sikkert litt pauseunderhaldning!

Fine haustdagar - ein tur utom i Provincen i morgon grunna gravferd.

Vi køyrer langs nordsida av fjorden og over fjorden med ferge.

Seinare på dagen fer vi over Vikafjellet og Aurlandsfjellet.

Frisøren på seinsommarferie og vi nyttar høvet til å nyte fjord og fjell i grenselandet mellom Indre Sogn og Nordhordaland. 

Nyklipt vakker brunette!

Har frisørvennine Klara på besøk frå Stavanger -

eg er nyklipt vakker brunette -

asymetrisk klipp med hår som i utgangspunktet er 4 cm, er bra!

Han hin får ny frisyre og beskjed om å bruke voks i håret.

Her snakkar vi fornying!

Det er omtrent eitt år sidan eg hadde siste frisørtime,
men parykken vart justert og formklipt etter det - i november trur eg.
Eg har ikkje brukt parykken, men ulike huer og hattar til håret var langt nok utan.

No var det greitt å verte skikkeleg ny på håret!

Tankar til Jeriko og samansauming.

I dag helsar vener i Jeriko og muslimar over heile verda kvarandre med Eid Mabruk

- ei religiøs helsing knytta til den store høgtida som markerer avslutninga på Ramadan.

Hjå oss vert kanskje tilsvarande som at vi alle helsar kvarandre God jul!

Når det no vert planlagt neste vitjing frå Jeriko
tenkjer eg naturlegvis på turane i 2009 og 2010.

Den første av kreftlegane mine i Førde skjøna ikkje kva eg hadde i Jeriko å gjere om hausten,
sidan han hadde opplevd at det var den grøne våren som var den vakraste årstida der også.

Han gav meg grunn til å tru at det absolutt var sannsynlegheit for at det vart vårar etter oktober 2010 til å reise dit.
I gårkveld vart tankane om vårtur styrkt!
Her er ei lenkje til ei bildevakker bok som viser viktige bitar i historia til byen

Eg saumar saman den japanske og tok den med meg på Eldhuset i gårkveld for å gjere litt handsaum.

Samansauminga av tre kvilta deler til eit teppe går forbausande bra!

Sidan eg skulle på eit anna møte etterpå, for eg ikkje heimatt for å hente det som snart vert eit grønt/svart teppe då det vart diskusjonar og forklaring om korleis lappane eigentleg såg ut!

Eg lova å legge ut bilete -

så her M-K og K-A er det!

Eg tek det med neste måndag!

Etterskrift - Her på bloggen Sister's Choice Quilts,
er ein ny eller ansleis måte for å få dei kviltelinjene ein vil!
På den japanske har eg nytta ein kritblyant, ein "trykkblyant",
- den har "kritbly" både i kvitt og ulike fargar.



Tresko og gode føremål

Gjekk lang spasertur med valmateriell i går, dei raude "treskoliknande" skoene mine vart våte og hadde framleis overskotsfarge til nakne føter.

Tenkte eg skulle ha handla meg eit par skikkelege tresko.

Ikkje heilt som desse som eg fann omtala hjå Kurbits - men eg syntest dei var nydelege

Treskoene er laga av arkitekten og designaren Paul Coudamy!

Nokre treng stundom eit lite spøt eller hekl,
mange av oss har rikeleg med restegarn eller kanskje tilogmed nesten ferdige plagg.

Amandaprosjektet treng små plagg i dukkestørrelse.

 Luesus leverer huer til cellegiftmottakarar,

Miranne har laga nydelege huer&hattar til både meg og Luesus

og pulsvantar for slike som treng det!

På Kreftpoliklinikken i Førde var der ei korg med strikkahuer, eg veit ikkje kven som hadde laga dei eller organisert tilbodet. Ein kollega fortalde at det ikkje var noko slikt der no når ein slektning hadde same behov.

 Kanskje det er fleire sjukehus som treng at privatpersonar, lag og organisasjonar finn seg eit lite eller stort prosjekt: Skulle ein konvolutt vere for liten til å sende eit kvart, - kan ein nytte kartong.

Quiltelaget i Årdal og Miranne skal også i år levere til

Tepper til glede.
Tepper til St.Olav er ei anna tilsvarande verdsvevside.

Og eg har rikeleg tid til å saume litt til!

Hjarteleg fin torsdag - brukandes til sauming og gode ting

Kviltinga av ein tredjedel av det japanske gjekk som ein draum, nyttar "flat" fleece som mellomlag.

Eg trong eit flatt mellomlag etter at eg nytta Mysa frå Ikea til det rosa og basarteppet til ungdomshuset. Baksida vert eit blandings- og restestoffprosjekt.

Eg trur eg har kontroll på korleis eg vil at dei tre delane skal koblast saman!

Det ser ut til at eg truleg vel å ikkje nytte turkis som fargekick likevel, i såfall vert det på siste tredjedelen og ikkje lenger på framsida...

Kan ikkje skjøne anna enn dette er å rekne som ein særs kreativ prosess -

målretta naturlegvis, - eg skal verte ferdig!

Skal dele ut valmateriell på Øyri i dag,

- godt å bruke ein spasertur&sykkeltur i demokratiet si teneste!

Har kome godt i gong med å trene igjen,

etter at den gode starten på Pusterommet på Haukeland vart avbroten av strålesår.

Det tilfører god energi -

treng framleis å kvile innimellom!  

Kviltarar presser allltid mot den mørke sida

- med unntak av oss som alltid deler saumen - sikkert grunna fortida mi frå eit par vidaregåande år på kjole-og draktsaum i ung og formbar alder!!!

Funne på verdsvevsida til Cactus Needle - ho har lånt den frå color and pattern på Flickr.

Eg sauma saman dei japanske i går -

med fleire andre oppgåver i demokratiets teneste rakk eg naturlegvis ikkje alt eg hadde rekna med!

I dag vert det tredelt kvilting av teppet!

Frosne plommer fungerte bra i Plommedesserten, men førre gong laga eg plommedesserten tidleg på dag - brukte litt meir vaniljestang og dei sto i  marinaden heile dagen -

har rikeleg med plommer i frysen og prøver på nytt på laurdag.

Ein av gjestene meinte at sabayonne eller helst  ein med søt kvitvin hadde gjort seg.

Tirsdag for prektige jenter - kaker og plommedessert

Du verda kor mange fine kyr som finst i handelen!

Nofortida  aukar visst samlinga mi av kyr kvar veke og eg kan ikkje anna enn å vere glad for det!

Han hin var til Sogndal fordi bilen trong service og for å handle varer dei berre har der.

Han var innom Jernia og tømde lageret av desse muffinsformene -

etter det eg forsto hadde mannen, (altså ikkje dama) i disken freista fortelje at det var fleire variantar -

truleg hadde han gjeve melding om at det var desse han kom for,

- dei var i brosjyra som kom før helga!

Caracas fortel på verdsvevsida si at dei har meir enn 150 typar av muffinsformer.

Eg måtte redde resten av plommene vi hadde med frå Provincen før helga.

I all hast fann eg ei plommedessertoppskrift på verdsveven.

I dag skal eg prøve den med frosne plommer.

Eg har frosne utsteina Methleyplommer i frysen, - Methley har raud fruktkjøt, då vert plommedesserten eller plommesylte nydeleg raud - mindre enn ein tredjedel av årets Methleyplommer var nok til fin farge!

Her er oppskrifta frå dinmat!

I går sydde eg mykje på dagtid på det grøne teppet på syrommet.

På Eldhuset i gårkveld starta samansauminga av eit som har venta særs lenge av japanske stoff.

Eg nytta ei av symaskinene som er der, greitt å ikkje sy enkeltlappar på ulike maskiner

- samansauming vert noko anna!

Det japanske skal eg kvilte i tre deler, - har funne ut at eg bør teste det før eg kvilter det grøne.

Eg kan kanskje nytte same teknikk der.

Difor går eg til Eldhuset så snart eg har fått føremiddagskaffien unnagjort!

Trur eg bør ta nokre bilete i dag.

    

  

Jerseyku - på ein sol- og sydag

Jerseykua er kjend for sitt gode lynne, sin vakre utsjånad, og mjølk med høgt innhald av feitt og protein

 Dette melder Norsk Jersey sine verdsvevsider.

Kua vart redda frå gjenbruksbutikken i Sogndalsfjøra av ein brukthandlar i Øyragata.

Med lita skrift på ein bitteliten gullapp under står det Harvest Hamlet Collection,

det øydela idéen min om at ein sogndalsbonde hadde teke med seg denne som eit reiseminne frå Jersey!

Jersey namnet til det maskinstrikka bomullstoffet - oppattkalla etter øya Jersey.

Syr mykje i grønt fortida - det raude stjerneteppet har ikkje vorte strokke og limt til vatt og bakstykke - satsar på å vere igang med kviltinga i løpet av veka.

Sauming i Eldhuset saman med andre jenter i husflidslaget i kveld.

Mellomskrift: Toppen av pauselukke - Quiltemagasinet kom i posten - det vert lite middagssoving av slikt!

- skal berre vente litt til, - ein gong til....

For eit år sidan eg hadde ein bloggpost med same tittel skal berre vente litt til.

Eg huskar kor fortvilt og forbanna og sint og lei meg eg var over turnuskandidatar og ferievikarar og legevikarar.
Dei visste ikkje korleis dei skulle fylle ut ei henvisning til det såkalla Brystdiagnostiske senteret i Førde og visste ikkje at det var eit poeng å fylle ut at eg hadde hatt ein heftig betennelse.

Skal det vere slikt ein møter samhandlingsreforma med? Brystkreft er ein krefttype som 1 av 10 eller 12 jenter får ein eller annan gong i livet - inga sjeldsynt diagnose på eit kvardagsleg legekontor...

Brystkreftkular er sjeldan smertefulle, (- med unntak av når dei veks raskt, fortel Kreftforeninga på sine sider!) - kirurgen i Førde og ein av dei hyggelege danske ferievikar  forklarte at det også var ein grunn til at dei ikkje trudde det var kreft...
Eg var jo glad for det, - men var like sliten av smertene med kulen...

Kirurgen traff ikkje den store kulen - ho sa at sidan det var så mjukt, var det sikkert ikkje kreftceller - då var det anna konsistens - det brukte vere hardare!
Den neste kirurgen eit par veker seinare, - han som ikkje hadde gjort det før, nytta heldigvis ultralyd.
Er det rart eg ville opererast på Haukeland!

Når eg ser attende på dette året, ser eg at nokre gongar skal ein vere særs tålmodig, medan andre gongar skal ein drite i det som vert forventa av ein!

Denne kyranøkleringen er endå verre enn dei hine, - den eine har ein liksom rautande lyd og på den andre vert det lys når ein trykker på den.
Når ein trykker på denne derimot - så ser det ut som om den skal til å drite...

Det har også vore eit godt år!

Sein rosa frukost!

Hadde skinke på rugbrødskiva i dag, berre for å vise gjevaren at eg har litt rosa - i kjøleskåpet!

På samlinga i Eldhuset i gårkveld vart vi einige om at dette er ein tallerken som må vaskast for hand - berre faren for at kantkyra kan losne...

Blåbærbiolaglaset var for lilla til å få vere med - det store teglaset er oppdrukke, - no kan eg endeleg drikke kaffi!

Takk Jorunn!