torsdag 28. juli 2011

Konsert på Borlo Bygdetun

Bygdetunet ligg i krysset der E16 gjennom Lærdal går vidare over til Valdres - medan Riksveg 52 er vegen over fjellet til Hemsedal.









Scena på baksida av kaféen!
Frå venstre: Silje Hegg på fløyte, Øyvind Hegg-Lunde på trommer,  Christian Borlaug hardingfele, Bjørnar Hegg-Lunde gitar og song, Erlend Styve  gitar og song, Gyda Grøndalen Hoffmann langeleik og song. I tillegg dei to sønene til Erlend Styve
Dei 6 vaksne er firmenningar.







Amfiet i bakken bak kaféen. Biletet vart teke ei god stund før konserten tok til, - det kom betydeleg fleire etterkvart.










Publikum parkerte langs E16
Ras i fjellsida medan konserten føregjekk

Porten sin førehandsomtale
Porten sin omtale av konserten.
Sogn avis sin omtale.

onsdag 27. juli 2011

Glea

Mæn so ein dag – ein mørkdæmd dag -
hænde dæ se at Vaorhærre kåm gangande
å spørde kå dæ sto te.

Jau takk, sa e mæ me æ dæ bærre bra,
mæn dæ æ so mykkje gale ute i væren
at dæ mæst bli so ei sønd mæ glea.

Dao smilte Vaorhærre so dæ klaorna
øve adle bærg:
So pass stærk lyt’n væra
at’n tåre løfta glea so eit jøs hær i væren.
Dæ va te dæ ho va teinkt, sa’n.

frå Kari Bakke si diktsamlinga Fetang : mennesje so mærkte me (1980)


Dette diktet gler også humanetikaren i meg, - når eg les det seint og får med alle lydane i den krudlete dialekta som vart nytta i den siste diktsamlinga hennar, får eg med meg den vakre historia.

Lyrikaren Kari Bakke, 1908-1999 frå Frydenlund, oppvaksen på Borgund og seinare busett på Hønefoss. Ho debuterte med diktsamlinga Finnes du? (1959), og utgav videre på Aschehoug Forlag: Til de små stier (1962), Dagenes ansikt (1963) og I det fremmede (1966). Ho var fast spaltist i Dagbladet i mange år under vignetten «Gråspurven». I Gråspurven (1974) er eit utval av dikta hennar frå Dagbladet samla.

Diktsamlinga Fetang vart gjeven ut etter ei skrivetevling i 1980, (forlag Sogn og Fjordane Magasin).
I ei av kjeldene ser eg at det vert kalla Lærdalsmål, - det er skilnader i dialektene i Lærdal også - fødd på Frydenlund gjer henne vel til ljøsning og er ho oppvaksen på Borgund - er det nok språket hennar prega av at ho vart borjynde også.

tirsdag 26. juli 2011

Feriekyr 2

Ei mjelkekyr på ein blå kyrahandduk eg var så heldig å få førre månad!

















Eg fekk ein kyrahandduk med sauer, katt og mys i går også eg!


















Svenskekyr på gryteklutar handla i Funäsdalen















Tvillingkyr











Største kyratettheit på Øyri kan nok vere i kjøkkenglaset mot geila til naboen - det meste av dei mindre kyrne er plasserte her.

Feriekyr 1



Camembert frå Normandie kjøpt av franskmenn med stor bod med franske landbruksvarer på Lærdalsmarknaden 2011.













Sugerør med ventil i begge endar og med sjokolade som løyser seg opp i mjølka. Funkar fint fortel han hin!




















                                                           


Black design-kyr
 


  
 
 
 
 
 
 
 
 
 
 
 
Kyralys - og andre dekorasjonslys med bondetema.

søndag 24. juli 2011

No plantar kvinna

















No plantar kvinna

Frå "Tung tids tale" - 1945 -  Halldis Moren Vesaas 
 - skrive etter at bomba fall i Hiroshima


No plantar kvinna i verda eit tre.
På kne liksom ein som bed
ligg ho blant restene etter dei mange
som stormen har brote ned.
På ny må ho prøve, om ein gang eitt
får vekse seg stort i fred.


Ho opnar molda og reier eit rom
for røtene, fine som hår,
så dei kan få feste og finne ned
dit livsens straumar går.
Plante eit tre er å bygge ein veg
fram gjennom mange år.


Ein draum om det fullvaksne treet
står som ein kvelving bjart
av blomar og lauv over kvinna,
som klappar så fast og vàrt
mold inntil røter, og vonfull tel
kvar knupp som skal breste snart.

- - -

Da dirrar treet, og handa som held det,
og grunnen der det er fest.
Kva er det? Skalet kring kjerna
av mørker i djupet, som brest?


Ho set dei utspilte hender mot molda
som ville ho tvinge til ro
den trugande dirring. Å jord, ver still,
ver still, så mitt tre får gro!

tirsdag 19. juli 2011

Teppe til ein stjernekar!

Han hin var 41 i går!
Han får naturlegvis eit teppe med 41 stjerner som kan vere godt å krype under på Salen til hausten!

I sjølve teppet er det 39 stjerner, dei to siste vert ein integrert del av kanten - framhald i neste bolk!!!
Dette var eit av fleire godt igangsette teppe.





Under er deler av eit teppe eg forlengst har starta på til han hin. - "Eit dusin eple",
naturlegvis har eg tenkt at det høver best på fruktgarden ute i Provincen!





















lørdag 16. juli 2011

Kreative prosessar - kreativ ventetid!


 
Fann denne hjå La Vie en Rosie ,
syntest den var berre nydeleg!

onsdag 13. juli 2011

Åttebladroser i flettverk i sommarsol...
























Det kan ende opp i at eg kan handle meir raudt i sommar -
dette vert å rekne som rydding i lageret!

Heldigvis hadde eg eit stort baksidestoff handla på Sy- og strikkebui i Sogndalsfjøra som kunne vere det samlande stoffet på framsida...
og har visst stoff i den fargen eg vart oppfordra til å ha som baksidestoff også! 

Har fleire ufullendte tepper,
- mange om eg skal rekne dei som er starta på.
- dei som er godt i gang, kan reknast på minst ei hand....

Det er rett tid til å kome nokre steg vidare og avslutte nokre halvferdige prosjekt, før eg set igang fleire nye!

Eg har vel 40 åttebladroser i ulike raudfargar, halvparten av det som trengst til eit teppe i den storleiken eg ynskjer det skal vere.

Istadenfor å finne endå ein ny gråbeige bakgrunnsfarge, vel eg å nytte striper av ulike raude stoff som eit flettverk mellom åttebladrosene.
Teppet vert veldig raudt, men eg har på nytt tru på at det vert ferdig!

Det vart 5 striperuter av dei 6 stoffstripene som skulle vere testen, - det er raskare å lage 9 tilsvarande lengder enn nokre og førti åttebladroser...

Ei endring i prosjektet kan det vere det som fører til at det vert eit fullendt prosjekt,
- eller det ein kan kalle justert måloppnåing!

Merkar at ein ikkje nødvendigvis klar til å starte på kvardagen sjølv om ein er ferdig behandla.
Når ein er sliten og kroppen tid til både fysisk og psykisk rehabilitering,
kjem kjensla av maktesløyse og trøttleik lett.

Strålesåra plagar meg, i dei første områda er tørka opp og huda har byrja å bli betre der - så såra har forflytta seg - men snart har det vore sår i heile stråleområdet - og då BLIR det betre!!!

Det er no det er viseleg å ha prosjekt eller oppgåver som er små nok,
- kjenne gleda av kontroll kanskje...
Kjensla av å kunne avslutte prosjekt er når andre prosessar i kroppen har mellombels eller periodiske perspektiv...
Det er 3 mnd til neste kontroll, oppfølging er venta å vare i minst 5 år til...

Eg har stendig mange planar om tepper, - manglar verken stoff eller mønster eller idear.


Jordbær- og blåbæris.

I går laga eg jordbær- og blåbæris.
Eg hadde lova vekk ei skål med berre bær. Korga med jordbær hadde stått i kjøleskåpet eit døgn for lenge, så det vart litt svinn - eg spedde ut med blåbær.
150 g jordbær i skiver og 100 g frosne blåbær, - og bæra låg og marinerte seg/tina i sukkeret.

Resultatet vart ein nydeleg farge - og smaken av jordbæra opplevdest som sterkare - kanskje det er syra i blåbæra som lokka fram jordbærsmaken.

I dag har eg planlagd å gjenta suksessen - vi må feire at sommaren er her nett no!

Etterskrift: - Gjenta suksessen - den er god!
Eg hadde ikkje lete fryseelementet ligge lenge nok i frysen - så eg har servert kald issuppe eller kald issaus i kveld - men det finst no dei som likar svært smelta is også...!
- Eg trur eg får freiste gjenta den opprinnelege suksessen på nytt... LOL!

søndag 10. juli 2011

Jordbæris - tredje bolken!




















Ismaskina er offisielt starta opp att i dag,
- saman med den glutenfrie sjokoladekaka frå IKEA vart det ein liten smak av sommar i bakhagen i ettermiddag.

lørdag 9. juli 2011

Jordbærisoppskrift








Oppskrifta på jordbæriskrem frå Philips levert saman med ei iskremmaskin.
Det ser ut som om Philips har vore så nøgd med iskremmaskinmodellen sin at dei ikkje har endra modellen sin så altfor mykje siste tiåret.
På same side i oppskriftboka er det engelsk, norsk og arabisk oppskrift!
Heilt natuleg å tenkje på Haifa, Ben og Zaid som er på tur frå Vancouver til Palestina i desse dagar -
Vart nesten sett ut av minne om jordbæris med Haifa på trappa lengre oppe i dalen, og seinare grilling og jordbæris og arabisk kaffi i bakhagen sommaren 2005...

Porsjonen er såpass liten at det var naturleg å handle fleire iskremmaskiner...

200 g friske jordbær - (jaudå, eg har nytta frosne også! - gjerne litt halvtina)
90 g farin
1 eggeplomme
1ss sitronsaft
2 1/4 dl heilmjølk
1 dl kremfløte

Kjøleelementet er nedfrose, - jordbær er handla - det vert søndagsjordbæris!

som om det ikkje var nok så kjem BT via dinmat med mange vakre bilete og oppskrifter der jordbær er/kan vere ein viktig basis!

torsdag 7. juli 2011

Jordbær - trøst&kosemat

Har handla Lærdalsnypoteter og Lærdalsjordbær på torget ved COOP i dag!
Behovet for trøstemat vart for stort, - eg greidde ikkje vente til han hin kjem attende frå jobb - så eg rydda dei øverste bæra av to korger og fann fram Kesam vanilje.

Skal ha nypotetene klare til middags - overskya ver, med eit visst potensiale for nokre regndropar - satsar likevel på grillmiddag i bakhagen.
Eg kjøper gjerne posane med små nypoteter som dei plar ha på Torget  - dei er endå meir lettkokte eller lettsteikte - og kan i grunn nyttast utan å dele opp om ein skulle ha lyst til å lage ein potetsalat.

Strålesåra aukar framleis i omfang - var noko sutrete i går - litt betre i dag - sikkert fordi det var nydeleg kortreist mat å få!

På Rådhusplenen riggar dei telt og scene til Kom Heimatt arrangementet i helga - her er Sogn avis sin biletserie frå 2009.

onsdag 6. juli 2011

Veggkyr!

Trønderinna har brodert korsstingskyr til meg - eg tok biletet utan glas i ramma for å sleppe refleksen i langhelga i Provincen, - men kabelen til kameraet låg heime!

Utgangspunktet for korsstingskyra er denne lenkja til Korsstygnsarkivet, som eg skreiv om i mai i Korsstingskyr og hårklipp.

Er den ikkje vakker?

Det gjekk opp for meg då eg vakna noko seinare enn vanleg - at dette var den første kvardagen eg har hatt heime på særs lenge - og det er godt!

Dei væskande såra av strålinga veks framleis.
Med nesten rette sorten bandasje, - ein litt tynnare utgåve enn førre - går det i grunn greitt! Eg veit ikkje korleis eg skulle ha greitt meg utan!
Mepilex er eit velsigna godt produkt og dei velsigna sjukepleiarane på Kreftpoliklinikken i Parkbygget er framleis dei største heltinnene mine!
Eg merkar at eg er litt sliten - truleg fordi eg omsider har tid til å kjenne etter!
Eg utset det meste ei stund til, - men har sett igong vaskemaskina, så det skjer iallefall litt!

Blomstrane i blomsterbeddet på gatesida av huset har greidd seg svært godt utan at eg har passa på dei siste vekene. Det ser ut som om dei ikkje har gjeve rom til ugras i det siste! - trur eg tek på meg sommarhatten og set meg på benken på gatetrappa og nyt føremiddagskaffien og kikar på turistane!




fredag 1. juli 2011

Ferdig, - strålande ferdig!

Sit og samlar tankane no like før eg sjekkar ut av hotellet,
for siste gong - på ein måte...
Ein rar dag -
med takk opp i handa og klemmar til strålande, omsorgsfulle og effektive tilsette -
både i underetasjen og på kreftpoliklinikken i Parkbygget...
Eg har ikkje noko ynskje om å treffe dei igjen - på sett og vis -
inderleg godt å vite at dei er der -
inderleg godt for meg å få lov til å  fortelje vidare at det i all hovudsak er godt å kome til ei kreftavdeling, - det er ikkje noko å vere redd for!

I dag les eg meldinga om at det er stendig fleire som får kreft - likevel er det nedgang i brystkreft, men det mest gledelege : Fleire av oss overlever kreft!


Har hatt ei fin veke med vitjing frå Vestnes og Stavanger. Det vart ikkje tur i den rosa bilen med Trønderinna som privatsjåfør og Bystudenten som Baksetekonsulent på torsdag likevel.
Vi vart staden alle tre turistvertar og trafikkonsuentar i baksetet på ein Hiace og sørga for at turistar frå Nord-Trøndelag måtte innsjå sånn i første omgang at Lone Camping, eigentleg er relativt nært bysentrum!
Stor nok til at det går an å snu ei campingvogn der!

Eg hadde fått gode råd av yndlingsfrisøren min, nyvoksa var eg klar for å slå ut med håret i går!

Vi rakk eit godt mål mat ute på Egon Kjøttbasaren i gårkveld , - sjølv om servitøren uforvarandes stakk av med bursdagspresangen til mor til Trønderinna... - dette kan det lett verte følgjetong av!
Min nybroderte bursdagspresang derimot var trygt plassert i ein pose, - og er nok klar for fotografering i Provincen i morgon!
- og Svigermor til Bystudenten er godkjent!